O artigo 6 da Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia, dispón que os prezos privados obtidos polos órganos da Administración, entes e organismos autónomos, como contraprestación á cesión ou alleamento de bens ou á prestación de servicios, serán fixados pola consellería correspondente atendendo ás condicións e circunstancias do mercado no que operen, e publicaranse no Diario Oficial de Galicia.
A Consellería de Política Agroalimentaria e Desenvolvemento Rural, está a desenvolver distintos programas dirixidos á salvagarda dos recursos cinexéticos da gandería tradicional.
Como resultado deste programa de conservación xorden, a criterio facultativo dos servicios técnicos responsables, bens excedentes dirixidos á súa venda a disposición de tódolos gandeiros interesados. Esta orde fixa a contraprestación económica destes excedentes.
Por outra banda, a asunción da xestión do Centro de Selección e Reproducción Animal de Fontao por parte da sociedade pública Xenética Fontao, determina que sexa esta sociedade a que fixe os prezos, o que implica a necesidade de derroga-la orde que establecía os prezos privados das doses seminais producidas no dito centro e que foran establecidas por Orde do 6 de marzo de 1998.
De conformidade co devandito artigo e co Decreto lexislativo 1/1992, do 11 de abril, polo que se aproba o texto articulado das bases contidas no capítulo 3º do título II da devandita lei, cómpre fixa-los prezos privados correspondentes á venda de doses seminais e de exemplares bovinos e aviares producidos no
Centro de Recursos Zooxenéticos de Galicia, no marco do Programa de Recuperación de Razas Autóctonas en perigo de extinción.
Por todo iso, e logo do informe favorable da Consellería de Economía e Facenda,
DISPOÑO:
Artigo único.
1. Os prezos privados esixibles polos servicios prestados polo Centro de Recursos Zooxenéticos de Galicia, referentes ás doses seminais de gando bovino e ós exemplares bovinos e aviares de razas autóctonas en perigo de extinción son os que figuran no anexo desta orde.
2. Os referidos prezos entenderanse co correspondente IVE.
Disposición derrogatoria
Queda derrogada a Orde do 6 de marzo de 1998 (DOG do 18 de marzo), pola que se actualizan os prezos privados das doses seminais producidas no Centro de Selección e Reproducción Animal de Fontao.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 12 de marzo de 2003.
Juan Miguel Diz Guedes
Conselleiro de Política Agroalimentaria
e Desenvolvemento Rural
ANEXO
Prezos privados de doses seminais e exemplares producidos no Centro de Recursos Zooxenéticos de Galicia en Fontefiz (Coles-Ourense).
1. Doses seminais:
* Razas bovinas Cachena, Caldelá, Frieriresa, Limiá e Vianesa: 0,42 A/dose.
2. Exemplares bovinos:
-Touros das razas Cachena, Caldelá, Frieiresa, Limiá e Vianesa de,
* Menos de 12 meses de idade: 250 A/Touro.
* Entre 12-18 meses de idade: 275 A/Touro.
* Maiores de 18 meses de idade: 315 A/Touro.
3. Exemplares da Raza Galiña de Mos:
A. Exemplares inscritos no Rexistro de Nacementos.
* Polos de 1 día: 0,30 A/exemplar.
* Recría de ata 5 meses de idade: 1 A/exemplar.
B. Exemplares inscritos no Rexistro de Reproductores.
* Galos e galiñas de máis de 5 meses de idade: 3 A/exemplar.