A Delegación Provincial de Lugo tramitou expediente de dilixencias previas 8/2002, seguidas en virtude de denuncia formulada por Manuel Muñiz Besteiro como propietario da vivenda de 4º C da rúa Carril das Flores, 34 de Lugo, contra a promotora inmobiliaria Carril Flores, S.L., finalizando este trámite con requirimento á promotora inmobiliaria para que emende as deficiencias observadas na referida vivenda.
As obras de reparación que se van realizar son as necesarias para emenda-las deficiencias observadas, consistentes en:
-Os rodapés do sollado de madeira presentan manchas de humidade en toda a vivenda.
-Condensación en dormitorios e salón en cerramento exterior.
-Fisuras en zona de ventá do salón.
Para tal fin concédeselle á empresa un prazo de 10 días para a remisión de proxecto e orzamento a esta delegación provincial, e un prazo de 30 días para a súa execución.
A non realización das obras nos prazos sinalados determinará a iniciación do oportuno expediente sancionador.
Lugo, 18 de febreiro de 2003.
Antonio Boné Pina
Delegado provincial de Lugo