Por Resolución do 21 de xaneiro de 2002, da Dirección Xeral de Industria, Enerxía e Minas da Consellería de Innovación, Industria e Comercio, autorizáronse as instalacións electromecánicas e aprobouse o proxecto de execución e por Resolución do 14 de novembro de 2002 declarouse a utilidade pública en concreto do Parque Eólico Punago.

Esta declaración de utilidade pública, de conformidade co disposto no artigo 54 da Lei 54/1997, do sector eléctrico, leva implícita en todo caso a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.

Na súa virtude, esta delegación provincial, en cumprimento do disposto no devandito artigo 52 da lei de expropiación forzosa, resolveu convoca-los titulares de bens e dereitos afectados, cos que non se

chegou a un acordo e que se relacionan no anexo, para que comparezan nos concellos de Castroverde, Baleira e Pol (Lugo), como punto de reunión para, de conformidade co procedemento que establece o citado artigo, levar a cabo o levantamento de actas previas á ocupación.

As afeccións designadas na relación de bens e dereitos son as seguintes:

-Accesos, viais interiores e canalizacións para cableado: a área que se vai expropiar será unha franxa de 12 metros, en réxime de servidume, na cal está incluído o vial coas súas respectivas cunetas e a gabia. Nos casos nos que esta disposición non sexa viable, e se deba proceder á instalación de gabias para o cableado con trazado independente dos viais, procederase á expropiación dunha área de servidume de paso, cun ancho de 10 metros.

-Cimentación de aeroxeradores: a área que se vai expropiar, en réxime de pleno dominio, será unha área de 15 metros por 15 metros.

-Plataforma de montaxe de aeroxeradores: a área que se vai expropiar, en réxime de pleno dominio, será de 50 por 32 metros cadrados.

-Zona de voo do aeroxerador: a área que se vai expropiar será en réxime de servidume.

-Subestación: a ára que se vai expropiar será en réxime de pleno dominio.

Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados pola persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar dos seus peritos e dun notario, se o estiman oportuno, cos gastos pola súa conta.

Así mesmo, advírteselles a tódolos interesados afectados que poderán formular alegacións por escrito nesta delegación provincial ata o momento do levantamento das actas previas, para os únicos efectos de emendar posibles erros na relación de bens e dereitos afectados.

Desta convocatoria darase traslado a cada interesado mediante a oportuna cédula de citación individual, na que se lle sinalará día e hora para o levantamento de actas.

Esta publicación realízase igualmente, para os efecots que determina o artigo 59.4º da Lei 30/1992, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación.

No expediente expropiatorio asumirá a condición de beneficiaria a empresa Endesa Cogeneración y Renovables, S.A.

Lugo, 3 de marzo de 2003.

Jesús Bendaña Suárez

Delegado provincial de Lugo

Obra: Parque Eólico de Punago

Concello: Baleira.

Obra: Parque Eólico de Punago

Concello: Pol.

Obra: Parque Eólico de Punago

Concello: Castroverde.

Relación de dereitos afectados.

Obra: Parque Eólico de Punago.