En cumprimento do disposto no artigo 28.5º do Decreto 80/2000, do 20 de maio, polo que se regulan os plans e proxectos sectoriais de incidencia supramunicipal, esta dirección xeral dispón que se publique no DOG, o acordo adoptado polo Consello da Xunta de Galicia na súa reunión do 20 de febreiro de 2003, da que a súa parte dispositiva é o seguinte texto literal:
«Primeiro.-Aprobar definitivamente o proxecto sectorial de incidencia supramunicipal denominado parque eólico Fonsagrada.
Segundo.-De conformidade co contido do acordo do Consello da Xunta de Galicia do 5 de decembro de 2002 polo que se aproba a modificación do proxecto sectorial de incidencia supramunicipal do Plan Eólico de Galicia, o planeamento dos concellos da Fonsagrada e Ribeira de Piquín queda vinculado ás determinacións contidas no proxecto sectorial que se aproba».
Santiago de Compostela, 27 de febreiro de 2003.
Ramón Ordás Badía
Director xeral de Industria, Enerxía e Minas