Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: trav. de Vigo, 204, 36207 Vigo.
Denominación: L.M.T., C.T., c. seccionamento e R.B.T. Coruxo-Fragoselo-A Tintureira.
Situación: concello de Vigo.
Descricións técnicas: L.M.T. subterránea, a 15 kV, con conductor tipo R.H.V., composta polos seguintes tramos: 1º de 1.470 m de lonxitude, desde un apoio da L.M.T. ó C.T. Fraga-Fragoselo ata o C.T. Fragoselo. 2º de 80 m, desde o C.T. Fragoselo ata un apoio na L.M.T.A. ó C.T. Fraga-Fragoselo. 3º de 35 m, desde o c. seccionamento que se proxecta en grupo escolar A Tintureira ata o empalme coa L.M.T. ó C.T. grupo escolar A Tintureira. C.T. de 160 kVA, R/T 15 kV-380/220 V na Tintureira. C. seccionamento con 3 liñas de manobra exterior. R.B.T. subterránea, con conductor tipo R.V., de 50 m de lonxitude, desde o C.T. A Tintureira. A instalación está situada no concello de Vigo.
Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.
Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
Pontevedra, 31 de xaneiro de 2003.
Carmen Bianchi Valcarce
Delegada provincial de Pontevedra