De conformidade co disposto nas bases IV e V da convocatoria para o acceso á categoría 5 do grupo IV (oficial 2ª de cociña, cociñeiro/a oficial 2ª), levada para efecto pola Orde de 30 de xullo de 2001 (DOG nº 160, do 20 de agosto), e remitida polo tribunal IV-B a proposta de aspirantes que superaron o proceso selectivo, esta consellería

DISPÓN:

Primeiro.-Elevar a definitiva a proposta do tribunal IV-B dos aspirantes que superaron o proceso selectivo da categoría 5 do grupo IV (oficial 2ª de cociña, cociñeiro/a oficial 2ª), que se publica como anexo desta orde.

Segundo.-Os aspirantes que constan no dito anexo deberán remitirlle á Dirección Xeral da Función Pública, no prazo de 15 días naturais contados a

partir do seguinte ó da publicación desta orde no DOG, os documentos ós que se refire a base V.1 da orde de convocatoria.

Terceiro.-Contra esta orde, que pon fin á vía administrativa, os aspirantes que accedan pola quenda de promoción interna poden interpoñer reclamación administrativa previa perante o conselleiro da Presidencia, Relacións Institucionais e Administración Pública no prazo dun mes, contado a partir do día seguinte ó da publicación desta orde no Diario Oficial de Galicia, en aplicación dos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, e demais disposicións concordantes, e os aspirantes que accedan pola quenda libre, con carácter postestativo, recurso de reposición perante o conselleiro da Presidencia, Relacións Institucionais e Administración Pública no prazo dun mes, contado desde o día seguinte ó da publicación desta orde, ou directamente recurso contencioso-administrativo no prazo de dous meses, contados desde o día seguinte ó da súa publicación, perante o Xulgado do

Contencioso-Administrativo de Santiago de Compostela, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 20 de marzo de 2003.

Jaime Pita Varela

Conselleiro da Presidencia, Relacións Institucionais

e Administración Pública

ANEXO

Promoción interna.

Acceso libre.