De conformidade coa proposta elevada pola comisión constituída para xulga-lo concurso convocado
por resolución desta universidade do 8 de outubro de 2001 (BOE do 6 de novembro), para a provisión da praza de profesor titular de universidade dunha área de coñecemento de didáctica das ciencias experimentais, do departamento de Didáctica das Ciencias Experimentais da Universidade de Santiago de Compostela, a favor de José Manuel Domínguez Castiñeiras e, tendo en conta que o interesado cumpre os requisitos ós que alude o punto 2º do artigo 5 do Real decreto 1888/1984, do 26 de setembro.
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a José Manuel Domínguez Castiñeiras profesor titular de universidade da área de coñecemento de didáctica das ciencias experimentais, do departamento de Didáctica das Ciencias Experimentais da Universidade de Santiago de Compostela.
Santiago de Compostela, 27 de febreiro de 2003.
Senén Barro Ameneiro
Rector da Universidade de Santiago de Compostela