Convocado proceso selectivo para o ingreso no corpo auxiliar da Xunta de Galicia (grupo D), mediante a orde da Consellería da Presidencia, Relacións Institucionais e Administración Pública do 10 de outu
bro de 2002 (DOG nº 199, do 15 de outubro), de conformidade coa base III.10 da convocatoria, correspóndelle ó tribunal fixa-lo lugar, a data e a hora de realización do primeiro exercicio da fase de oposición.
O tribunal, en sesión que tivo lugar o día 19 de marzo de 2003, acordou:
1. Realiza-lo primeiro exercicio da fase de oposición o día 12 de abril de 2003, sábado, ás 11.30 horas, no recinto da Feira Internacional de Galicia en Silleda (Pontevedra).
2. Tódolos aspirantes deberán comparecer no lugar indicado ás 10 horas, provistos do DNI o documento fidedigno acreditativo da súa indentidade, ó xuízo do tribunal, lapis do nº 2 e goma de borrar, de conformidade co establecido na base II.2 da convocatoria.
3. As listas dos opositores admitidos para a realización deste primeiro exercicio estarán expostas nos taboleiros de anuncios da Consellería da Presidencia, Relacións Institucionais e Administración Pública en San Caetano, Santiago de Compostela, nos das súas delegacións provinciais e nas oficinas comarcais da Xunta de Galicia en Ferrol, Vilalba, O Barco de Valdeorras, Lalín e Vigo.
4. Para efectos de aclaración dalgún punto dos incluídos nesta resolución, así como de información en xeral, poderase acudir ó teléfono de atención ó cidadán 902 12 00 12 e á páxina web da Xunta de Galicia: http://www.xunta.es.
Santiago de Compostela, 19 de marzo de 2003.
Álvaro M. Rodríguez Carballo
Presidente do tribunal
CONSELLERÍA DE CULTURA, COMUNICACIÓN SOCIAL
E TURISMO