Ponse en coñecemento de tódolos interesados na concentración parcelaria da zona de Pereira (Forcarei-Pontevedra), declarada de utilidade pública e urxente execución polo Decreto 303/1995, do 16 de novembro (DOG nº 228, do 28 de novembro), o seguinte:

Primeiro.-Con data do 4 de febreiro de 2003 o director xeral de Infraestructuras Agrarias, aprobou o acordo de concentración parcelaria da zona de Pereira (Forcarei-Pontevedra), logo de introducir no proxecto as modificacións oportunas á vista da enquisa deste último.

Segundo.-O acordo de concentración estará exposto ó público na Casa do Concello de Forcarei e na zona, durante trinta días hábiles, contados desde o seguinte día en que sexa publicado o último dos avisos que corresponde facer no Diario Oficial de Galicia, no BOP, no xornal de máis circulación da zona e no taboleiro de anuncios da casa do concello.

Terceiro.-No prazo dos trinta días que se din, cabe interpoñer recurso de alzada ante o conselleiro de Política Agroalimentaria e Desenvolvemento Rural. Os recorrentes poden presenta-los recursos no rexistro da Delegación Provincial de Política Agroalimentaria e Desenvolvemento Rural -sito na rúa Benito Corbal, 47, 4º, de Pontevedra-, no rexistro xeral da consellería -sito no edificio administrativo de San Caetano, s/n., de Santiago de Compostela-, ou en calquera das dependencias ás que fai referencia o artigo 38.4º da Lei 30/1992, do 26 de novembro

de réxime xurídico das administracións públicas e do procedemento administrativo común, por si mesmos o por representación. No escrito de recurso deberán expresar un domicilio dentro do termo municipal para facérlle-las notificacións que procedan, e se é o caso, a persoa residente nel a quen teñan que facérlle-las notificacións.

Advírtese, ademais, que o acordo de concentración parcelaria só poderá ser impugnado en alzada se se infrinxisen as formalidades prescritas para a súa elaboración e notificación ou publicación, ou se non se axustase ás bases (artigos 36, 38, 40 y 41 da Lei 10/1985, do 14 de agosto, de concentración parcelaria para Galicia.

Pontevedra, 10 de febreiro de 2003.

José Manuel Gabeiras Vérez

Delegado provincial de Pontevedra