De conformidade co disposto polo artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícaselle á persoa que no anexo se menciona, a proposta de resolución do correspondente expediente sancionador acordada polo delegado provincial de Ourense por presunta infracción á Lei 1/1993, do 13 de abril, de protección de animais domésticos e salvaxes en catividade e Decreto 153/1998, do 2 de abril, polo que se aproba o regulamento da lei anterior, ó non ser posible a súa notificación a través do servicio de correos.

Para os efectos previstos na Lei de réxime xurídico das administracións públicas e do procedemento administrativo común, o expedientado disporá dun prazo de quince (15) días hábiles, contados a partir do seguinte ó da publicación desta notificación para que poida examina-lo expediente nesta delegación provincial, sita na rúa do Paseo nº 18-5º andar, e achegar por escrito as alegacións, os documentos, informacións ou proposta de probas que consideren convenientes na defensa dos seus dereitos participándolle que ten á súa disposición o expediente para examinalo, de conformidade ó establecido no Regulamento para o exercicio da potestade sancionadora, aprobado polo Real decreto 1398/1993, do 4 de agosto.

Para resolve-lo expediente é competente, por razón da contía da multa, o director xeral de Conservación da Natureza da Consellería de Medio Ambiente de

acordo co artigo 24.2º b) da Lei 1/1993, do 13 de abril, de protección de animais domésticos e salvaxes en catividade.

O pagamento voluntario porá fin ó expediente. O importe da sanción que en cada caso corresponda farase efectiva empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia, presentándoos en calquera entidade bancaria.

Ourense, 24 de febreiro de 2003.

Miriam Areal López

Instructora

Visto e prace

Agustín Prado Verdeal

Delegado provincial de Ourense

ANEXO

Expediente: OU 04/02 AN.

Denunciado: Marcial Álvarez Lamas.

Último enderezo coñecido: Nuestra Sra. de la Saínza, 26. Ourense.

Feito denunciado: non se atopa inscrito no Rexistro de establecementos de animais domésticos e salvaxes en catividade de Galicia, non posúe Libro de rexistro e atópanse os animais-cabalos-en malas condicións hixiénico sanitarias e en locais inadecuados as súas condicións.

Precepto infrinxido e sancionador: artigo 21.1º f) da Lei 1/1993, do 13 de abril, de animais domésticos e salvaxes en catividade.

Sanción: 601,01 euros.