A empresa Emeterio Vega Rodríguez con domicilio social no barco de Valdeorras, avda. de Marcelino Suárez 24-1º, solicita a declaración de urxente ocupación para a adquisición dos terreos situados na parroquia de Bretoña, lugar de Xemil do termo municipal da Pastoriza, que se relacionan no anexo e que son necesarios para a explotación da concesión mineira chamada Mondoñedo, fracción segunda, número 5530.2 de conformidade co artigo 105 da Lei 22/1973, do 21 de xullo, de minas, o artigo 131 do Regulamento xeral para o réxime da minería, o artigo 52 da Lei de expropiación forzosa, do 16 de decembro de 1954 e o artigo 56 do seu regulamento, do 26 de abril de 1957.

E de acordo co establecido nos artigos 18 e 19 da citada Lei de expropiación e 17, 18, 24 e 56 do seu regulamento, xa mencionado, acórdase abrir información pública polo prazo de quince días hábiles, contados a partir do día seguinte ó da última publicación desta resolución no Diario Oficial de Galicia, no BOP, no xornal El Progreso desta capital, e nos taboleiros de anuncios do concello da Pastoriza e desta delegación provincial.

O que se publica para xeral coñecemento e para que os interesados poidan formula-las alegacións que estimen convenientes sobre a procedencia da ocupación ou disposición dos bens que se van expropiar, o seu estado material ou xurídico, ou achegar cantos datos permitan a rectificación de posibles erros que se estimen cometidos na relación de propietarios e predios, así como para opoñerse por motivos de forma e de fondo a necesidade da ocupación. Neste caso terán que indica-los motivos polos que deba considerarse preferente a ocupación doutros bens ou a adquisición doutros dereitos distintos dos incluídos na relación que se publica como anexo a esta resolución. Tamén, e para os sos efectos da emenda de erros na descrición material e legal dos bens, calquera persoa natural ou xurídica poderá alegar e presenta-los antecedentes ou referencias que sirvan de fundamento para a dita rectificación.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, e así dirixirlle

ó ministerio fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

Lugo, 24 de xaneiro de 2003.

Jesús Bendaña Suárez

Delegado provincial de Lugo

ANEXO

Relación de propietarios: bens e dereitos afectados

pola concesión da explotación denominada Mondoñedo fracción segunda nº 5530.2 T.M. A Pastoriza, Lugo