O epígrafe 2 da base sétima da orde da Consellería de Sanidade do 29 de xullo de 2002 (DOG nº 168, do 2 de setembro), pola que se convoca proceso extraordinario de consolidación de emprego para a selección e provisión de prazas de persoal estatutario das institucións sanitarias dependentes do Servicio Galego de Saúde, dispón que os exercicios de oposición da fase de selección se realizarán no lugar, a data e á hora anunciada no Diario Oficial de Galicia, cun mínimo de sete días naturais de antelación, polo que, esta División de Recursos Humanos do Servicio Galego de Saúde,
RESOLVE:
Primeiro.-Convoca-los aspirantes admitidos con carácter definitivo na fase de selección do proceso extraordinario de consolidación de emprego, convocado pola do 29 de xullo de 2002 (DOG nº 168, do 2 de setembro), das categorías de auxiliar de enfermería e de celador, para a realización dos exercicios de oposición da fase de selección, do xeito que se detalla:
Día 23 de marzo de 2003:
-Auxiliar de enfermería.
Día 6 de abril de 2003:
-Celador.
Segundo.-O chamamento iniciarase ás 9.45 horas ámbolos dous días, no recinto da Feira Internacional de Galicia en Silleda (Pontevedra).
Terceiro.-Os aspirantes terán que ir provistos necesariamente do documento nacional de identidade, permiso de conducir ou pasaporte e de bolígrafo azul ou negro.
O chamamento é único polo que se excluirá deste proceso a quen non compareza por calquera causa.
Cuarto.-Esta resolución poderá ser impugnada polos interesados nos termos previstos no punto 3 da base vixésimo primeira da citada convocatoria.
Santiago de Compostela, 10 marzo de 2003.
José Ignacio Lema Piñeiro
Director xeral da División de Recursos Humanos