En sesión que tivo lugar o día 5 de marzo de 2003, o tribunal designado por Orde do 27 de novembro
de 2002, para cualifica-lo proceso selectivo para o ingreso no corpo facultativo de grao medio da Xunta de Galicia (grupo B), escala técnica de vixilancia pesqueira, convocado pola Orde do 29 de novembro de 2001, acordou, de conformidade co disposto nas bases II.2.1 e III.10 da convocatoria, que o primeiro exercicio da fase de oposición se realizará o día 21 de marzo de 2003, na aula nº 11 da Escola Galega
de Administración Pública, situada na rúa Madrid, 2-4 en Santiago de Compostela en chamamento único.
A realización do exercicio comezará ás 17 horas, abríndose as portas do lugar de acceso para a súa realización ás 16.45 horas.
Os aspirantes deberán ir provistos de DNI ou documento fidedigno acreditativo da súa identidade a xuízo do tribunal, lapis nº 2 e goma de borrar.
Santiago de Compostela, 6 de marzo de 2003.
José Ricardo Díaz Presedo
Presidente do tribunal