A Comisión de Goberno en sesión do 7 de xaneiro de 2003 aprobou, con carácter inicial, o proxecto de urbanización de rúa de nova apertura entre a de Bernardino Fondevila e a unidade de actuación número 9 do PXOU promovido, mediante iniciativa particular, por Priseca, Sociedad Limitada, visado pola Delegación en Pontevedra do Colexio Oficial de Arquitectos de Galicia (COAG) con data 22-7-2001, e anexo ó proxecto e planos 2'', 3'' e 4' modificados, con data de visado colexial de 4-7-2002, anulando e substituíndo a súa documentación correlativa anteriormente presentada, documentación redactada polos arquitectos Eugenio Jiménez Passolas e Carlos Gustavo Pérez Álvarez, dispoñéndose o seu sometemento á información pública.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio de Urbanismo, Medio Ambiente e Patrimonio Histórico (rúa Churruchaos, número 2, desta cidade) a documentación inicialmente aprobada, e formula-las alegacións que coide pertinentes.

Pontevedra, 22 de xaneiro de 2003.

P.D.

Xosé Cesáreo Mosquera Lorenzo

Tenente alcalde delegado da Área de Urbanismo

e Medio Ambiente

Julio Dapena Outomuro

Secretario xeral