A Xerencia Xeral do Complexo Hospitalario de Ourense, en virtude das atribucións que lle foron delegadas conforme o establecido na Orde do 14 de marzo de 2002 (DOG nº 66, do 5 de abril) da Consellería de Sanidade, convoca o seguinte concurso público:

1. Entidade adxudicadora.

a) Organismo e dependencia que tramita o expediente: Complexo Hospitalario de Ourense, Dirección de Recursos Económicos, Unidade de Contratación, rúa Ramón Puga, 52, 32005 Ourense. Teléfono 988 38 56 91. Fax 988 38 54 04.

b) Número do expediente: C.P. 2/2003.

2. Obxecto do contrato.

a) Descrición: servicio de almorzos e merendas para unidades de hospitalización en centros do Complexo Hospitalario de Ourense.

b) Lotes: 2. Posibilidade de licitar só a un lote ou ós dous lotes.

c) Lugar de execución: ve-lo punto 2 das follas de especificacións do prego de cláusulas administrativas particulares.

d) Prazo de execución: 2 anos.

3. Tramitación, procedemento e forma de adxudicación: urxente, aberto, concurso público, respectivamente.

4. Orzamento de licitación: 335.000 euros, IVE incluído.

5. Garantía provisional: 2% do importe de licitación (ve-lo punto 11 das follas de especificacións do prego de cláusulas administrativas particulares).

6. Obtención de documentación e información.

a) Entidade e domicilio: ve-lo punto 1 deste anuncio.

b) Data límite: días laborables, agás sábados, de 9 a 14 horas, ata que remate o prazo de presentación de ofertas.

7. Requisitos específicos do contratista.

a) Clasificación: para empresas españolas, ve-lo punto 12 das follas de especificacións do prego de cláusulas administrativas particulares.

b) Solvencia económica e financeira e solvencia técnica e profesional: para empresas non españolas, ve-los puntos 13 e 14 das follas de especificacións do prego de cláusulas administrativas particulares.

8. Presentación de ofertas.

a) Data límite: oito días contados desde o día seguinte ó da publicación desta resolución no Diario Oficial de Galicia (antes das 14 h). No caso de que o dito día coincida en sábado ou festivo, o prazo de presentación rematará o día hábil seguinte.

b) Documentación que hai que presentar: ver pregos de cláusulas administrativas particulares e de prescricións técnicas.

c) Lugar de presentación: Complexo Hospitalario de Ourense. Rexistro xeral, rúa Ramón Puga, 52 (edificio administrativo, planta baixa), 32005 Ourense.

d) Prazo durante o cal o licitador estará obrigado a mante-la súa oferta: 3 meses desde a apertura das proposicións.

e) Admisión de variantes: non se admiten.

9. Apertura das ofertas.

a) Lugar: sala de xuntas da Dirección de Recursos Económicos e de Servicios Sociais do Complexo Hospitalario de Ourense.

b) Data: quinto día contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a súa apertura terá lugar o día hábil seguinte.

c) Hora: 9.30 h.

d) Acto público.

10. Outras informacións.

a) Criterios de adxudicación: ve-lo punto 16 das follas de especificacións do prego de cláusulas administrativas particulares.

b) Lingua/s: castelán ou galego.

11. Anuncios: o pagamento do anuncio será a cargo do adxudicatario ou adxudicatarios do/s contrato/s.

12. Para consultar pregos: http://www.sergas.es.

Ourense, 19 de febreiro de 2003.

Alfonso Clemente González

Xerente xeral do Complexo Hospitalario de Ourense