A Comisión de Goberno, en sesión ordinaria do día 13 de febreiro de 2003, acordou aprobar definitivamente o proxecto de urbanización do Plan parcial industrial promovido polo Instituto Galego da Vivenda e Solo de Galicia, para o desenvolvemento do sector 1 do solo urbanizable do vixente Plan Xeral de Ordenación Municipal, redactado polo arquitecto Jacobo Rodríguez-Losada Allende.
Contra o acto de aprobación definitiva, que pon fin á vía administrativa, poderá interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da última publicación do presente anuncio no Diario Oficial de Galicia ou no BOP, conforme o artigo 46.1º da Lei de xurisdicción contencioso-administrativa. Poderá, non obstante, interpoñerse con caracter previo e potestativo recurso de reposición ante o mesmo órgano que o dictou desta Administración conforme a Lei de réxime xurídico das administracións públicas e do procedemento administrativo común (artigos 116 e 117), no prazo dun mes, contado, así mesmo, desde o día seguinte ó da última publicación deste anuncio no Diario Oficial de Galicia ou no BOP.
Santa Comba, 14 de febreiro de 2003.
José Toja Parajó
Alcalde