Por decreto da Alcaldía, do 19 de febreiro de 2003, aprobouse inicialmente o estudio de detalle para envolvente de conxunto de edificios na rúa do Porto, parroquia de Corrubedo, deste termo municipal, presentado por Antón Carreño Costas.
O que se somete a información pública por un período de vinte días, mediante a publicación deste anuncio no Diario Oficial de Galicia e nun dos xornais de maior circulación na provincia, en cumprimento do artigo 86.2º da Lei 9/2002, do 30 de decembro, de ordenación urbanística e protección do medio rural de Galicia, co obxecto de que durante o referido prazo cantas persoas se consideren interesadas poidan examina-lo correspondente expediente nas mañás dos días hábiles, das 9.30 ás 13.30 horas, no prazo indicado, que comezará a contar a partir do día seguinte ó da publicación deste anuncio no Diario Oficial de Galicia, nas oficinas da Secretaría do Concello de Ribeira; praza do Concello s/n, co fin de que se poidan formula-las reclamacións e alegacións que se consideren procedentes.
Ribeira, 19 de febreiro de 2003.
José Luis Torres Colomer
Alcalde