A Comisión de Goberno, en sesión do 27-1-2003 aprobou, con carácter inicial, a proposta -instada a iniciativa particular pola entidade mercantil Soinga Hogar Futura, S.L.- de modificación da delimitación da unidade de actuación número 4 do vixente Plan Xeral de Ordenación Urbana, e sita entre as rúas avda. da Coruña, Juan Manuel Pintos, Fernández Cochón e vial de nova apertura, coa finalidade de excluír do seu ámbito 31,63 m de parcela sita no nº 48 da avda. da Coruña, e posibilita-la edificación asistemática desta, ó invadi-la delimitación da unidade o fondo edificatorio establecido no PXOU para o rueiro 31, fundamentándose esta modificación nun proxecto técnico subscrito polo arquitecto Manuel Abilleira Argibay, visado pola Delegación en Pontevedra do Colexio Oficial de Arquitectos de Galicia (COAG) de data 9-4-2002 e planos nº 2 e 3 da mesma autoría con data de visado colexial 26-6-2002, que anulan e substitúen os seus correlativos do presente, dispoñéndose o seu sometemento a
información pública.
Durante o prazo de vinte días, contado a partir da publicación deste anuncio no Diario Oficial de Galicia, calquera interesado poderá examinar no Servicio de Urbanismo, Medio Ambiente e Patrimonio Histórico do concello (rúa Churruchaos, número 2) a documentación inicialmente aprobada, e formula-las alegacións que coide pertinentes.
Pontevedra, 11 de febreiro de 2003.
Julio Dapena Outomuro
Secretario xeral
P.D.
Xosé Cesáreo Mosquera Lorenzo
Tenente alcalde delegado da Área de Urbanismo
e Medio Ambiente