Por medio deste edicto faise público que o Concello de Vimianzo promove a contratación da subministración de bens e productos, así como a prestación de determinados servicios para o desenvolvemento das tarefas propias das brigadas municipais de obras e servicios, consonte o determinado no anexo I do prego de condicións económico-administrativas.
O orzamento base de licitación é de 61.000 euros, IVE e demais impostos incluídos.
A presentación de ofertas terá lugar no prazo de 15 días naturais, contados desde a publicación do anuncio de licitación en modelo normalizado no BOP.
Pódese obter copia dos pregos e demais información que sexa precisa nas dependencias municipais
da secretaría, en horario de oficina. Teléfono: 981 71 60 01. Fax: 981 71 66 50.
O modelo normalizado do anuncio de licitación publícase no BOP da Coruña.
Vimianzo, 14 de febreiro de 2003.
P.D. (ex Decreto publicado no BOP nº 49/2002)
Manuel Castro Lema
Primeiro tenente alcalde