Aprobado por Decreto da alcaldía do 30 de xaneiro de 2003, o expediente de contratación, incluídos os pregos de cláusulas administrativas particulares técnicas que rexerán o concurso para adxudica-las obras de saneamento e abastecemento na r/ San Bernardo Fase II, que se expoñen ó público durante 8 días contados a partir do seguinte ó de publicación do presente anuncio no Diario Oficial de Galicia, para que poida presentar reclamacións quen se considere interesado.
Simultaneamente anúnciase o concurso, aprazándose a licitación se resultara necesario por formularse reclamacións contra os pregos.
Entidade adxudicadora.
Concello da Guarda, praza do Reló s/n, 36780. Teléfono: 986 61 00 00. Fax: 986 61 02 83.
Obxecto do contrato.
Adxudicación das obras de saneamento e abastecemento na r/ San Bernardo fase III.
Tipo de licitación.
53.571,58 euros, IVE incluído, (cincuenta e tres mil cincocentos setenta e un euros con cincuenta e oito céntimos de euro).
Modalidade de adxudicación.
Concurso público, procedemento aberto, tramitación urxente.
Garantías.
Provisional: 2% do orzamento.
Definitiva: 4% do orzamento.
Exame do expediente.
Os licitadores poderán examina-lo expediente na secretaría xeral do concello, en horario de 9 a 13 horas, excepto sábados e festivos e ata o día anterior ó do remate do prazo de presentación de proposicións.
Presentación de proposicións.
No rexistro xeral do concello, dentro do prazo de 15 días naturais contados a partir do día da última publicación deste anuncio no DOG en horas de nove a trece e de luns a venres, na forma sinalada na cláusula décimo terceira do prego de cláusulas administrativas técnicas.
Se o último día de presentación de ofertas fose inhábil, prorrogarase ata o día hábil seguinte.
Apertura de proposicións.
A apertura terá lugar ás 13 horas do día hábil seguinte ó sinalado como último para a presentación de proposicións (para estes efectos o sábado considerarase inhábil).
Gastos de anuncios.
Por conta do adxudicatario.
A Guarda, 30 de xaneiro de 2003.
José Luis Alonso Riego
Alcalde
