1. Entidade adxudicadora.

a) Organismo: Concello de Cambre.

b) Dependencia que tramita o expediente: Secretaría-Contratación.

c) Número do expediente: 03/6-3 Con. Asist. Serv.

2. Obxecto do contrato.

a) Descrición do obxecto: concurso de anteproxectos con intervención de xurado, e contratación do proxecto e dirección da obra do edificio destinado á Casa da Cultura de Cambre.

b) Lugar de execución: Cambre.

c) Prazo de execución: sen prexuízo dos prazos establecidos no prego de cláusulas administrativas particulares para a redacción e entrega dos proxectos básico e de execución, a duración da relación contractual quedará determinada pola execución das obras que se van realizar.

3. Tramitación, procedemento e forma de adxudicación.

Para a selección do mellor anteproxecto utilizarase o concurso, se ben a adxudicación da redacción dos proxectos básico e de execución, así como da dirección das obras, se efectuará por procedemento negociado (art. 216.4º do Real decreto lexislativo 2/2000, do 16 de xuño).

4. Orzamento base de licitación.

O orzamento máximo do concurso, que inclúe honorarios por redacción do proxecto básico e de execución, dirección das obras, importe do segundo premio e dos accésits, non poderá exceder de 120.466,89 A, IVE incluído (ver cláusula 2 do prego administrativo).

5. Garantía provisional: non se esixe.

6. Obtención de documentación e información.

a) A documentación pode obterse na Delegación da COAG na Coruña, sita na avda. Linares Rivas nº 28-32, CP 15005, teléfono 981 12 22 55, ou

a través da páxina web: www.coag.es/informacioncolexial/concursos/ultimos concursos.asp

Ademais, os interesados poderán realizar consultas na Sección de Planeamento e Xestión do Concello de Cambre, situada na planta baixa da Casa do Concello (Adro, s/n-15660 Cambre, A Coruña), tels. 981 61 31 91/981 61 31 28, ou a través do enderezo de correo electrónico: urbanismo*cambre.org

b) Data límite de obtención de documentos e información: ata as 14 horas do día anterior ó que remate o prazo para presenta-la documentación.

7. Requisitos específicos do contratista.

Poderán concursar na presente licitación aquelas persoas físicas ou xurídicas que cumpran cos requisitos esixidos na cláusula 3 do prego administrativo.

8. Presentación da documentación de participación.

a) Data límite de presentación: das 9 ás 14 horas dentro do prazo de dous meses, a partir do día seguinte ó da publicación deste anuncio de licitación no Diario Oficial de Galicia.

b) Documentación que hai que presentar: a documentación presentarase en tres carpetas, sobres ou paquetes pechados:

-Carpeta A, subtitulada «Documentación técnica», conterá a documentación esixida na cláusula 4.1.2.A) do prego.

-Carpeta B, subtitulada «Identidade do concursante», conterá a documentación esixida na cláusula 4.1.2.B) do prego.

-Carpeta C, subtitulada «Proposta de arquitecto como membro do xurado», conterá a documentación esixida na cláusula 4.1.2.C) do prego.

c) Lugar de presentación:

1º Entidade: Concello de Cambre. Rexistro de Entrada.

2º Domicilio: Adro, número 1.

3º Localidade e código postal: Cambre, 15660.

9. Apertura das ofertas.

Ás 12 horas do terceiro día hábil seguinte ó do remate do prazo de presentación da documentación, abriranse en sesión pública as carpetas C.

As sesións que realice o xurado, dado o seu carácter, non serán públicas.

10. Outras informacións.

A decisión do xurado fixarase en función da cualidade arquitectónica da oferta, ata 100 puntos, ponderados da seguinte forma:

-Idoneidade da solución proposta: ata 50 puntos.

-Funcionalidade e adaptación ás necesidades da súa explotación, fixando solucións de compatibilidade dos usos tendentes á reducción da superficie construída: ata 25 puntos.

-Maior grao de integración no contorno: ata 25 puntos.

11. Gastos de anuncios.

Serán por conta do adxudicatario.

12. Exposición dos pregos.

Os pregos de cláusulas administrativas e prescricións técnicas expóñense ó público durante o prazo de oito días, polo que se poderán presentar alegacións a estes no mesmo prazo, no Rexistro de Entrada do Concello de Cambre.

De se presentaren alegacións ós pregos, o prazo de presentación de documentación adiarase o tempo preciso para resolvelas.

Cambre, 14 de febreiro de 2003.

P.D. (R.A. 23-7-1999)

Augusto Rey Moreno

Primeiro tenente de alcalde