A Fundación Pública Centro de Transfusión de Galicia, para dar cumprimento os artigos 9 e 10 da Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia, en materia de persoal e contratación, resolve convoca-lo seguinte concurso público:

1. Entidade adxudicadora: Fundación Pública Centro de Transfusión de Galicia, avda. Monte da Condesa s/n, 15706 Santiago de Compostela. Teléfono 981 54 69 00. Fax 981 59 31 51.

2. Obxecto e orzamento do contrato: adquisición das seguintes subministracións: bolsas para extracción de sangue, sistemas de fraccionamento do sangue e inactivación viral do plasma (nº expediente 01-2003) 7 lotes:

Lote 1. Sistemas de bolsas cuádruples Sag-M con filtro desleucotizador incorporado, toma de mostra estéril, protector de agulla e bolsa de eliminación da contaminación bacteriana. Total unidades: 113.000.

Orzamento: 2.302.865 A.

Lote 2. Sistemas de filtración de hemacías de aférese e conservación con Sag Manitol. Total unidades: 5.000.

Orzamento: 84.100 A.

Lote 3. Inactivación viral do plasma con azul de metileno. Total unidades: 26.000.

Orzamento: 562.380 A.

Lote 4. Sistemas de bolsas para a recollida de sangue de cordón umbilical. Total unidades: 1.400.

Orzamento: 21.294 A.

Lote 5. Sistemas de bolsas de procesamento de sangue de cordón umbilical con bolsa de conxelación incorporada para o almacenamento. Total unidades: 700.

Orzamento: 72.573 A.

Lote 6. Sistemas de láminas fundidoras para selado en estéril de tubulares de bolsas de sangue. Total unidades: 50.400.

Orzamento: 128.433 A.

Lote 7. Sistemas de fraccionadores automáticos para a preparación de componentes sanguíneos. Total unidades: 8.

Orzamento: 81.500 A.

Duración: 1 ano desde a data da sinatura do contrato.

Admisión de variantes: consideraranse as proposicións que, respectando o obxecto do contrato e o orzamento máximo autorizado, incorporen para a prestación da subministración solucións alternativas ás definidas nas condicións técnicas particulares.

3. Tramitación, procedemento e forma de adxudicación: concurso polo procedemento aberto.

4. Fianzas e garantías: provisional o 2% do orzamento de cada lote ó que se concurra. Garantía definitiva por importe do 4% do valor de adxudicación de cada lote.

5. Documentos de interese para os licitadores: os pregos de condicións xurídicas e de condicións técnicas particulares pódense solicitar no Centro de Transfusión de Galicia, avda. Monte da Condesa s/n, 15706 Santiago de Compostela en días laborables desde as 9 ata as 14 horas.

6. Solvencia económico-financeira e técnica: acredítanse conforme o establecido no punto 2.2.2 do prego de condicións xurídicas.

7. Criterios de adxudicación: os establecidos no cadro resumo de características.

8. Prazo e lugar de presentación das proposicións: as proposicións presentaranse antes das 14 horas do día 26 de marzo de 2003.

9. Documentación que deberán presenta-los licitadores: os documentos que figuran no prego de condicións xurídicas e na forma que nel se sinala.

10. Data de apertura das proposicións: a apertura das proposicións admitidas será realizada en acto público na sala de xuntas do Centro de Transfusión de Galicia, a partir das 10.30 horas do día 4 de abril de 2003.

11. Anuncios: os anuncios do presente concurso serán por conta do adxudicatario do contrato.

Santiago de Compostela, 7 de febreiro de 2003.

Carlos Areal Méndez

Director técnico da Fundación Pública Centro

de Transfusión de Galicia