A Comisión de Goberno do Concello, na sesión que tivo lugar o día 18 de novembro de 2002, aprobou definitivamente a delimitación e os estatutos e bases de actuación do polígono único do solo urbanizable programado número 1 (SUP-1) de Romero Donallo, promovidos pola xunta promotora do SUP-1.

Durante o prazo dun mes, contado desde o día seguinte ó da publicación deste anuncio poderase solicita-la incorporación á xunta de compensación do polígono. A dita incorporación haberá de solicitarse mediante escrito que se presentará no rexistro xeral do concello, e haberá de acompañarse da documentación completa que acredite os seus dereitos sobre as parcelas afectadas pola actuación.

Trancurrido o prazo sinalado, a incorporación só será posible se non entorpece o desenvolvemento do proceso e o aproba a xunta de compensación.

A falta de incorporación autoriza á xunta compensación para solicita-la expropiación dos seus predios, ou ben a súa ocupación na forma prevista no artigo 134.1º, segundo parágrafo da Lei 1/1997, do solo de Galicia.

Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante a Comisión de Goberno do concello no prazo dun mes, contado desde a mesma data.

Santiago de Compostela, 17 de xaneiro de 2003.

Xosé A. Sánchez Bugallo

Alcalde