1. Entidade adxudicadora.
Concello de Oroso.
2. Obxecto do contrato.
a) Descrición do obxecto: o contrato ten por obxecto a xestión integral do servicio público de limpeza viaria, recollida de residuos sólidos urbanos, vidro, envases lixeiros, chatarra do Concello de Oroso e o seu transporte á ecoplanta de Sogama no concello de Cerceda.
b) Lugar de execución: Concello de Oroso.
c) Prazo de execución: dez anos.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso público, de acordo co prego de cláusulas económico-administrativas e prescricións técnicas aprobado pola Comisión de Goberno, en sesión do 7 de febreiro de 2003. O prego de cláusulas económico-administrativas sométese a información pública conxuntamente coa convocatoria da licitación e esta licitación aprazarase no suposto de que se formulasen reclamacións contra o prego no prazo de 8 días contados desde o seguinte ó da publicación deste anuncio no BOP, a teor do disposto no artigo 122 do Real decreto lexislativo 781/1986, do 18 de abril.
4. Orzamento, base de licitación.
O previsto na cláusula 5 do prego de cláusulas económico-administrativas.
5. Garantías.
Provisional: 2% do orzamento de licitación.
Definitiva: 4% do importe de adxudicación.
6. Presentación de proposicións.
a) Data límite de presentación: o décimo quinto día natural seguinte ó da última das publicacións deste anuncio no BOP e no DOG.
b) Lugar de presentación: rexistro xeral do concello en horario das 9 ás 14 horas, ou a través de calquera dos medios establecidos na Lei de réxime xurídico das administracións públicas e do procedemento administrativo común.
c) Documentación que hai que presentar: a sinalada no prego de cláusulas administrativas particulares e prescricións técnicas.
7. Apertura de plicas.
Ás trece horas do terceiro día hábil seguinte a aquel no que finalice o prazo de presentación de proposicións, a mesa de contratación procederá á apertura dos sobres B e C Documentación.
Ás catorce horas do sétimo día hábil posterior a aquel no que teña lugar a cualificación dos documentos pola mesa de contratación (sobres B e C), celebrarase o acto público de apertura de proposicións económicas (sobre A), constituíndose para estes efectos a mesa de contratación (en caso de coincidir en sábado trasládase ó seguinte hábil).
8. Modelo de proposición e de sobre.
Os sinalados no prego de cláusulas administrativas particulares.
9. Obtención de documentación e información.
a) Entidade: Concello de Oroso.
b) Enderezo: praza do Concello, s/n.
c) Localidade e código de postal: 15884 Sigüeiro-Oroso.
d) Teléfono: 981 69 14 78/69 16 80. Telefax: 981 69 17 86.
10. Gastos de anuncios.
Por conta do adxudicatario.
Oroso, 10 de febreiro de 2003.
Manuel Mirás Franqueira
Alcalde