Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Velle-A Batundeira, 2, 32960 Ourense.

Denominación: L.M.T., C.T., R.B.T., Fonte da Cova.

Situación: Carballeda de Valdeorras.

Descricións técnicas: liña aéreo-subterránea de 3.346 m (951 máis 2.395 m), con orixe no apoio nº 26 da L.M.T. canteiras Casaio, en conductor trenzado ata o apoio proxectado nº 10 desde onde segue en conducción subterránea ata o C.T. proxectado en caseta prefabricada en Fonte da Cova (complexo turístico), con 250 kVA. Rede de baixa tensión derivada do C.T.

Cumpridos os trámites ordenados na Lei 54/1997, do 27 de novembro, e no capítulo II do R.D. 1955/2000, do 1 de decembro, sobre autorización de instalación eléctrica, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo de vinte días contados a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 10 de xaneiro de 2003.

Ramón Fernández-Linares Bouza

Delegado provincial de Ourense