Visto o artigo 4.7º do Decreto 442/1990, do 13 de setembro (DOG nº 188, do 25 de setembro) de avaliación de impacto ambiental para Galicia, a delegada provincial da Consellería de Industria e Comercio de Pontevedra,
RESOLVE:
Dar publicidade, mediante a presente publicación, o Acordo do 11 de novembro de 2002, da Dirección Xeral de Calidade e Avaliación Ambiental, polo que se formula a declaración de impacto ambiental do proxecto de explotación para granito ornamental da concesión de explotación derivada do permiso de investigación denominada Arnego 2648-3, sita en terreos do termo municipal de Agolada, provincia de Pontevedra, promovido por Rochas Ornamentales Antucho, S.L.
A mencionada declaración refírese, en exclusiva, a unha superficie de 66,88 h, dentro do espacio solicitado para a concesión mineira de 6 cuadrículas mineiras, comprendidas entre os paralelos 42º 44' 20'', 42º 44' 40'' norte, e polos meridianos 7º 59' 40'', 8º 00' 40'' oeste, e foi incorporada ó expediente da concesión Arnego 2648-3, encontrándose á disposición de calquera interesado nesta delegación provincial.
Pontevedra, 17 de xaneiro de 2003.
Carmen Bianchi Valcarce
Delegada provincial de Pontevedra