O Instituto Galego das Artes Escénicas e Musicais -IGAEM- convoca a selección dunha persoa para a cobertura dunha bolsa de colaboración na catalogación e investigación do patrimonio escénico e musical galego para o ano 2003.
O obxecto da presente convocatoria é a catalogación, informatización e arquivo do material e fondos relacionados coas artes escénicas e musicais galegas.
O lugar de desfrute da bolsa será o Centro de Documentación e arquivo do IGAEM, e o desfrute dela será a partir do 15 de febreiro e ata o 31 de decembro de 2003. Contarán cunha achega económica de 601 A mensuais cada bolsa.
Os requisitos dos aspirantes e demais criterios para a selección poderán ser consultados nas bases da convocatoria depositadas no rexistro do IGAEM. Pavillón de Galicia. San Lázaro s/n, Santiago de Compostela, CP 15703.
O prazo de presentación de instancias, segundo modelo oficial que consta nas bases será de 10 días naturais contados desde a inserción deste anuncio no Diario Oficial de Galicia, e deberán presentarse no Rexistro do IGAEM no enderezo que se indica ou utilizando calquera dos medios establecidos na Lei 30/1992, de réxime xurídico das administracións públicas e do procedemento administrativo común, e na Lei 4/1999, de modificación da anterior.
Santiago de Compostela, 7 de xaneiro de 2003.
Aníbal Otero Fernández
Xerente do Instituto Galego das Artes
Escénicas e Musicais
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA
