De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo presente edicto ponse en coñecemento da empresa Nórdica A Peroxa, S.L., titular do expediente 1/99.2046.4950.N.99004 relativo á axuda ó abeiro do convenio de apoio financeiro ás Pemes (Resolución do 18 de maio de 1999, DOG nº 113, do 15 de xuño) que, con data 23 de setembro de 2002, o presidente do Igape acordou o inicio do expediente de incumprimento por non corresponderse o investimento comprometido de 22.027.973 pesetas co xustificado que sería unicamente de 21.927.792 pesetas e porque a empresa figura dada de baixa con data do 15 de xaneiro de 2001 na A.E.A.T. no epígrafe 342, que é o que consta como subvencionable no expediente, polo que de conformidade coa cláusula 13.1 do convenio de aplicación se produciría a perda da subvención desde a data da baixa, procédese polo tanto a iniciar procedemento de incumprimento das condicións de

concesión da axuda outorgada co obxecto de detemina-lo alcance da mesma, que poderá dar lugar ó reintegro das cantidades indebidamente percibidas que serían de 4.075,33 euros e á minoración do importe de investimento subvencionable e préstamo subsidiable concedido inicialmente, e suspendéndose o aboamento da subsidiación concedida ata a resolución do expediente de incumprimento.

Os actos obxecto do presente anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro, de réxime xurídico das administracións públicas e do procedemento administrativo común. Concédeselle un prazo de quince días hábiles desde a publicación deste edicto no Diario Oficial de Galicia para presentar alegacións co fin de xustifica-la non procedencia deste presunto incumprimento. O expediente ponse de manifesto á entidade neste centro directivo sito en Santiago de Compostela, complexo administrativo San Lázaro, s/n.

Santiago de Compostela, 16 de xaneiro de 2003.

Margarita Rodríguez Rama

Directora xeral do Instituto Galego

de Promoción Económica