A Corporación Municipal, en sesión plenaria celebrada o día 2-12-2002, acordou aprobar definitivamente o estudio de detalle para a ordenación de volumes na unidade de actuación Norte-26 do PXOU vixente, (rúa Angelo Colocci, rúa Avetarda, rúa Túnel de Oural), promovido por Promociones Reiseñor, C.B.

Faise público, para os efectos determinados no artigo 70.2º da Lei 7/1985, en consonancia co 48.2º da Lei 1/1997, do 24 de marzo, do solo de Galicia.

Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, perante o Tribunal Superior de Xustiza de Galicia, sen prexuízo de que poida exercerse, se é o caso, calquera outro recurso que se considere procedente.

Lugo, 28 de xaneiro de 2003.

P.D. (Decreto alcaldía nº 60/1999)

José Ramón Gómez Besteiro

Tenente alcalde delegado de Área