De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común,

notifícaselle ó denunciado cos datos persoais e último enderezo coñecido que se sinala a continuación, a iniciación do correspondente expediente sancionador por infracción á Lei 4/1997, do 25 de xuño, de caza de Galicia, (DOG do 11 de xullo).

Noméase instructora do procedemento a Paloma Quiroga López e secretaria a Marta Joaquín Tersado, funcionarias da Xunta de Galicia. A resolución será acordada polo delegado provincial de Medio Ambiente Natural da Consellería de Medio Ambiente (Decreto 14/2002, do 24 de xaneiro, DOG do 6 de febreiro, polo que se establece a estructura orgánica da Consellería de Medio Ambiente).

O denunciado disporá dun prazo de quince (15) días hábiles, contados a partir do seguinte ó da publicación desta resolución para que poida examina-lo expediente nesta delegación provincial, sita na Ronda da Muralla, nº 70-2º baixo, e presentar as alegacións e os documentos que considere convenientes na súa defensa, así como para a recusación das persoas designadas como instructora e secretaria en calquera momento da tramitación do procedemento.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial.

Lugo, 12 de decembro de 2002.

Luis González Vázquez

Delegado provincial de Lugo

ANEXO

Expediente: C-91/2002.

Denunciado: José Pérez Rodríguez.

DNI: 34215088-N.

Enderezo: Proendos nº 1, Sober (Lugo).

Feitos imputados: non levar consigo durante o exercicio da caza a documentación preceptiva (guía de pertenza da escopeta), aínda sendo titular dela. Feitos constatados o día 31-10-2002, ás 10.30 horas en Vilar de Mouros, Sober (Lugo).

Precepto infrinxido: 57.4º da Lei 4/1997, de caza de Galicia.

Cualificación da sanción: leve.

Sanción: 60.10 euros.