Dentro do plan de actividades da EGAP para o 2003, e conforme coas funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse os cursos que figuran no anexo, dirixidos ó persoal de corporacións locais

da Comunidade Autónoma galega, que deberán desenvolverse de acordo coas seguintes bases:

Primeira.-Solicitudes.

O persoal que desexe participar nos cursos programados no anexo I deberá solicitalo coa presentación da instancia que segundo modelo oficial figura como anexo II a esta resolución, e cubrila en tódolos seus epígrafes.

As solicitudes irán dirixidas ó director da EGAP, e presentaranse no rexistro da Escola Galega de Administración Pública, r/ Madrid, 2-4, 15707 Santiago de Compostela, ou tramitaranse por calquera das outras formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común. Admitiranse tamén inscricións por telefax: 981 54 63 30, sen prexuízo da necesidade de remisión da solicitude orixinal por correo ordinario.

Segunda.-Prazo.

O prazo de presentación de solicitudes rematará dez días naturais antes do comenzo de cada curso.

Terceira.-Selección.

Os criterios de selección suxeitaranse ás directrices sinaladas na Resolución do 27 de xuño de 1994, pola que se fan públicos os criterios de participación nas actividades da EGAP (DOG nº 149, do 3 de agosto).

Seguidamente, efectuarase a selección dos participantes e esta notificaráselles directamente ós admitidos e publicarase na páxina web: www.egap.xunta.es

Cuarta.-Modificacións.

A EGAP reserva para si a facultade de interpretar e de resolve-las incidencias que puidesen xurdir no desenvolvemento dos cursos, así como a de anulalos se o escaso número de solicitudes non xustificase a súa realización.

Quinta.-Certificado de asistencia.

Outorgaráselles certificado de asistencia ós alumnos que participen con reguralidade nos cursos, e é obrigatoria a asistencia a tódalas sesións. Toda inasistencia deberá ser xustificada convenientemente, sen que poida exceder en ningún caso do 15% das horas lectivas programadas.

Unha inasistencia superior ó 15% das horas lectivas programadas, aínda que sexa xustificada, impedirá a expedición do correspondente certificado.

Sexta.-Valoración.

Para os efectos do establecido na resolución do INAP do 26 de outubro de 1994, BOE nº 267, do 8 de abril e correción de erros, BOE nº 311, do 29 de decembro, pola que se establecen os criterios de recoñecemento e valoración dos cursos de Administración local en cumprimento do establecido na orde do Ministerio para as Administracións Públicas do 10 de agosto de 1994, ó curso de folla de cálculo avanzado. Microsoft Excel outorgaráselle unha puntuación de 0,20 puntos.

Santiago de Compostela, 30 de xaneiro de 2003.

Domingo Bello Janeiro

Director da Escola Galega de Administración

Pública

ANEXO I

Curso: programa de xestión de presentacións. Microsoft Power Point.

1. Obxectivos.

Iniciar nos coñecementos teóricos sobre Power Point. Manexo e seguemento informático destes.

2. Destinatarios.

Persoal de corporacións locais da Comunidade Autónoma galega.

3. Desenvolvemento.

3.1. Duración: 10 horas.

3.2. Lugar: Santiago de Compostela, sede da EGAP.

3.3. Datas: 25 e 26 de febreiro de 2003.

3.4. Horarios: martes de 17 a 20 h e mércores de 10 a 14 e de 16 a 18 h.

3.5. Prazas: 20.

4. Contido.

-Conceptos básicos: barras de ferramentas. Vistas e elementos dunha presentación.

-Creación dunha presentación: cambia-lo fondo. Inserir e modificar texto, imaxes prediseñadas, debuxos, obxecto WordArt, táboa Word, folla de cálculo de Excel, organigramas.

-Imprimir diapostivas.

-Organiza-las diapositivas: efectos de animación. Clasificación de diapositivas. Transiccións de diapositivas.

-Textos modelo: aplicación e modificación de textos modelo.

-Inserir sons e películas.

-Asistente para autocontido.

-Creación dunha presentación para Internet.

Curso: folla de cálculo avanzado. Microsoft Excel.

1. Obxectivos.

Profundar nos coñecementos do manexo do sistema operativo. Creación de follas de cálculo avanzadas.

2. Destinatarios.

Persoal de corporacións locais da Comunidade Autónoma galega.

3. Desenvolvemento.

3.1. Duración: 20 horas.

3.2. Lugar: Santiago de Compostela, sede da EGAP.

3.3. Datas: 3, 4, 10 e 11 de marzo de 2003.

3.4. Horarios: luns de 17 a 20 h e martes de 10 a 14 e de 16 a 18 h.

3.5. Prazas: 20.

4. Contido.

-Coñecementos avanzados da folla de cálculo.

-Introducción de datos.

-Os comandos da folla de cálculo.

-Copias de datos gráficos.

-Deseño de follas de cálculo avanzado.