En sesión celebrada o 20 de xaneiro de 2003 polo tribunal designado para xulga-lo proceso selectivo para o acceso ó corpo facultativo de grao medio da Xunta de Galicia (grupo B), escala de enxeñeiros
técnicos de minas, convocado pola Orde do 8 de outubro de 2001 (DOG número 199, do 15 de outubro), acordouse, de conformidade coa base IV da citada convocatoria, publica-la proposta de aspirantes que superaron, por orde de puntuación, as citadas probas na quenda de acceso libre.
Así mesmo, tal e como dispón a mencionada base IV, acordouse que o presidente do tribunal eleve a citada proposta á Dirección Xeral da Función Pública.
A orde de puntuación dos aspirantes establécese de acordo coa suma das puntuacións obtidas na fase de concurso e na fase de oposición, tal e como dispón a base II.2.5. da convocatoria e é a que figura no anexo, que se xunta á presente resolución.
Santiago de Compostela, 23 de xaneiro de 2003.
Carlos Gómez Martínez
Presidente do tribunal
ANEXO
Proposta de aspirantes que superaron o proceso selectivo para o acceso ó corpo facultativo de grao medio da Xunta de Galicia (grupo B), escala de enxeñeiros técnicos de minas.
Acceso libre.
Opositor DNI Exame 1 Exame 2 Exame 3 Exame 4 Concurso Nota final
Pernas Verdugo, José Javier 33833272-L 10,66 11,30 Apto 7 17,50 46,46