José Luis Almau Supervía, secretario xeral da Deputación Provincial da Coruña, certifica que na sesión plenaria ordinaria celebrada o día trinta de decembro de dous mil dous, se adoptou, entre outros, o seguinte acordo:
«4. Ampliación da delegación de competencias en materia tributaria por diversos concellos da provincia.
Acepta-la ampliación de competencias delegadas en materia tributaria acordada por diversos concellos da provincia, en relación coas materias e concellos seguintes:
-Xestión, inspección e recadación voluntaria e executiva do imposto sobre vehículos de tracción mecánica ou do imposto municipal que o complemente ou substitúa no futuro: Concello de Narón.
-Recadación en período executivo de tributos, prezos públicos e calquera outro ingreso de dereito público de carácter non periódico ou de periodicidade inferior ó ano: concellos de Boqueixón e Narón.
-Recadación voluntaria e executiva das sancións municipais por infraccións da Lei sobre tráfico, circulación e vehículos de motor e seguridade vial, incluíndo a colaboración previa cos concellos para identificación dos propietarios dos vehículos cos que se cometeran infraccións: concellos de Cambre, Cedeira, Cee, Fisterra, Muros, Narón, Neda, Ponteceso, Pontedeume, Porto do Son, Santa Comba e Valdoviño.
-Recadación voluntaria e executiva das seguintes taxas do Concello de Narón:
-Recollida de residuos sólidos no medio rural.
-Autorización de entrada e saída de vehículos.
A aceptación destas competencias realízase a expensas de que os correspondentes acordos municipais sexan elevados a definitivos.
O exercicio das competencias delegadas obxecto de aceptación, que se levará a cabo nos termos establecidos nas bases para a prestación de servicios tributarios ós concellos da provincia, aprobadas para o efecto por esta corporación provincial, entrará en vigor logo do día 2 de xaneiro de 2003».
E para que conste, e a reserva da aprobación da acta, segundo o disposto no artigo 206 do Regulamento de organización, funcionamento e réxime xurídico das corporacións locais, expido este certificado na Coruña o dezaseis de xaneiro de dous mil tres.
José Luis Almau Supervía
Secretario da Deputación Provincial da Coruña
Visto e prace
José Luis Torres Colomer
Presidente da Deputación Provincial da Coruña