Urxente a provisión do posto de mariñeiro especialista número 61 da vixente relación de postos de traballo do persoal laboral de Administración e servicios, publicada por Resolución do 8 de agosto de 2000, e aprobado pola Xunta de Goberno o sistema de selección de concurso-oposición para a súa provisión, segundo establece o artigo 111.3º dos estatutos,

Este rectorado, no uso das competencias que lle están atribuídas no artigo 20 da Lei orgánica 6/2001, do 21 de decembro, de universidades (BOE do 24 de decembro), así como nos estatutos desta universidade, aprobados polo decreto da Xunta de Galicia 253/1992, do 10 de setembro (DOG do 17 de setembro) e modificados polo decreto da Xunta de Galicia 245/1998, do 30 de xullo (DOG do 28 de agosto), e co obxecto de atende-las necesidades do Club Universitario,

RESOLVE:

Primeiro.-Convocar probas selectivas para cubrir unha praza de mariñeiro especialista, grupo IV-A.

As probas selectivas realizaranse con suxeición ás seguintes bases da convocatoria:

1. Solicitudes.

1.1. Os que desexen tomar parte nestas probas selectivas deberán solicitalo na instancia segundo modelo que figura como anexo IV. Á instancia xuntarase fotocopia do documento nacional de identidade e acreditarase, ademais, o pagamento dos dereitos de exame na forma prevista no punto 1.2.

As solicitudes dirixiranse ó rector da Universidade da Coruña no prazo de 20 días naturais contados a partir do seguinte ó da publicación desta convocatoria no Diario Oficial de Galicia.

A presentación das solicitudes farase no rexistro xeral da Universidade da Coruña (edificio do Rectorado; rúa da Mestranza, s/n, CP 15001) e Ferrol (Vicerrectorado do Campus; Doutor Vázquez Cabrera, s/n, CP 15403), ou nas restantes formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), modificada pola Lei 4/1999, do 13 de xaneiro (BOE do 14 de xaneiro).

As solicitudes subscritas no estranxeiro poderán cursarse a través das representacións diplomáticas e consulares españolas correspondentes.

1.2. Os aspirantes deberán xustifica-lo pagamento na conta corrente 0049-5030-15-2516011262, concursos-oposicións; Banco Santander Central-Hispano da Coruña, da cantidade de 28,25 euros por dereitos de inscrición. A solicitude deberá ir xunto co xustificante acreditativo do ingreso e a súa falta determinará a exclusión do aspirante. En ningún caso o pagamento suporá a substitución do trámite de presentación, en tempo e forma, da solicitude ante o órgano expresado no punto 1.1.

1.3. Os aspirantes que aleguen méritos na fase de concurso deberán acreditalos mediante a presentación dos documentos xustificativos orixinais ou copias compulsadas. Os servicios prestados na Universidade da Coruña acreditaranse mediante certificación expedida pola xerencia da universidade. A documentación acreditativa dos méritos estará referida á data de publicación no Diario Oficial de Galicia desta convocatoria e deberá incorporarse á solicitude.

1.4. Os aspirantes que padezan algunha discapacidade poderán indicalo no recadro número 14 da instancia e solicitar, se é o caso, as posibles adaptacións de tempos e medios para a realización dos exercicios nos que esta adaptación sexa necesaria, expresándoo no recadro número 15.

1.5. Os aspirantes quedan vinculados ós datos que fagan constar na súas solicitudes, podendo unicamente demanda-la súa modificación mediante escrito motivado, dentro do prazo establecido na base 1.1. para a presentación de solicitudes. Transcorrido o dito prazo non se admitirá ningunha petición desta natureza, agás causa excepcional sobrevida, xustificada e discrecionalmente apreciada polo tribunal.

2. Requisitos dos candidatos.

2.1. Para seren admitidos á realización destas probas selectivas, os aspirantes deberán reunir e mante-los seguintes requisitos:

a) Ser español ou nacional dun Estado membro da Unión Europea ou nacional daqueles estados ós que, en virtude de tratados internacionais subscritos pola Unión Europea e ratificados por España, lles sexa de aplicación a libre circulación de traballadores nos termos en que esta está definida no Tratado Constitutivo da Comunidade Europea. Tamén poderán participa-lo cónxuxe, descendentes e descendentes do cónxuxe, dos españois e dos nacionais doutros estados membros da Unión Europea, sempre que non estean separados de dereito, menores de vinteún anos ou maiores da dita idade que vivan ás súas expensas. Este último beneficio será igualmente de aplicación nos tratados internacionais subscritos pola Unión Europea e ratificados por España.

b) Ter cumpridos dezaoito anos de idade e non exceder dos sesenta e cinco.

c) Estar en posesión do título de graduado escolar, formación profesional de 1º grao ou titulación equivalente, ou en condicións de obtela na data que remate o prazo de presentación das solicitudes.

d) Estar en posesión do certificado de competencia mariñeira expedido polas autoridades competentes.

e) Non padecer enfermidade nin estar afectado por limitación física ou psíquica que sexa incompatible co desempeño das correspondentes funcións.

f) Non ter sido separado, mediante expediente disciplinario, do servicio de calquera das administracións públicas nin estar inhabilitado para o desempeño de funcións públicas por sentencia firme. Os aspirantes de nacionalidade non española deberán acreditar non estar sometidos a sanción disciplinaria ou condena penal que impida, no seu Estado, o acceso á función pública.

2.2. Tódolos requisitos se deberán posuír no momento de remata-lo prazo de presentación das solicitudes e gozar deles durante o proceso selectivo.

3. Discapacidades.

3.1. Para a realización das probas selectivas o tribunal cualificador delas establecerá, para as persoas con minusvalidez que o tivesen demandado na solicitude de admisión, as adaptacións posibles de tempos e medios.

3.2. Se no desenvolvemento do proceso selectivo se lle presentasen dúbidas ó tribunal respecto á capacidade dos aspirantes con algunha discapacidade para o desempeño das actividades habitualmente desenvolvidas polos traballadores da categoría de mariñeiro especialista, poderá solicita-lo correspondente dictame do órgano competente da Comunidade Autónoma.

4. Listas de admitidos e excluídos.

4.1. Expirado o prazo de presentación de solicitudes, no prazo máximo de vinte días naturais, o rector da universidade dictará resolución, que será publicada no Diario Oficial de Galicia, declarando aprobada a lista de aspirantes admitidos e excluídos, que será feita pública no taboleiro de anuncios do rectorado da universidade e no Vicerrectorado do Campus de Ferrol, con mención expresa do nome, apelidos e documento nacional de identidade e, se é o caso, as causas de exclusión.

Os aspirantes excluídos disporán dun prazo de dez días, contados a partir da publicación da referida resolución, para corrixi-lo defecto que motivase a exclusión. Transcorrido o devandito prazo, o rector dictará resolución declarando aprobada a lista definitiva de admitidos e excluídos, que será publicada no Diario Oficial de Galicia.

4.2. O feito de figurar na lista de admitidos non prexulga que se lles recoñeza ós interesados a posesión dos requisitos esixidos, que terán que acreditarse no seu momento, de acordo co previsto na base 10.1 desta convocatoria.

5. Sistema selectivo.

5.1. O procedemento de selección dos aspirantes será o de concurso-oposición, coa valoración de méritos, exercicios e puntuacións que se especifican no anexo I.

5.2. O programa das probas da fase de oposición é o que figura como anexo II.

6. Tribunal cualificador.

6.1. O tribunal cualificador é o que figura como anexo III desta convocatoria.

6.2. O tribunal na súa constitución, composición e funcionamento aterase ó disposto no Decreto 95/1991, do 20 de marzo, polo que se aproba o Regulamento de persoal de administración da Comunidade Autónoma de Galicia, e na Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), modificada pola Lei 4/1999, do 13 de xaneiro (BOE do 14 de xaneiro).

6.3. O tribunal poderá dispoñe-la incorporación ós seus traballos de asesores especialistas no número que considere necesario.

6.4. O tribunal terá a categoría cuarta das recollidas no Decreto 144/2001, do 7 de xuño (DOG do 25 de xuño).

6.5. Para os efectos de comunicacións e demais incidencias, o tribunal terá a súa sede no Rectorado da Universidade da Coruña (rúa Mestranza, sen número).

7. Calendario das probas.

7.1. O lugar e data de comezo dos exercicios será feito público na resolución rectoral que aprobe a lista definitiva de aspirantes admitidos e excluídos.

7.2. A duración máxima das probas selectivas será dun ano desde a data de publicación desta convocatoria.

7.3. A orde de actuación dos aspirantes será a que determine a Dirección Xeral da Función Pública da Comunidade Autónoma para o ano en que se realice a proba.

7.4. Os aspirantes serán convocados para cada exercicio nun único chamamento, e quedarán decaídos no seu dereito os que non comparezan, agás nos casos de forza maior, debidamente xustificados e libremente considerados polo tribunal. En calquera momento os aspirantes poderán ser requiridos polo tribunal coa finalidade de acredita-la súa identidade.

8. Aspirantes de nacionalidade estranxeira.

8.1. Con carácter previo á realización dos exercicios da fase de oposición, os aspirantes que non posúan a nacionalidade española deberán acredita-lo coñecemento do castelán mediante a realización dunha proba, na que se comprobará que posúen un nivel adecuado de comprensión e expresión oral e escrita nesta lingua.

8.2. O contido desta proba axustarase ó disposto no Real decreto 826/1988, do 20 de xullo (BOE do 29 de xullo), polo que se establecen diplomas acreditativos do coñecemento do español como lingua estranxeira. A proba cualificarase con apto ou non apto e será necesario obte-la valoración de apto para pasar a realiza-los exercicios da fase de oposición. Quedan eximidos de realizar esta proba os aspirantes que acrediten, mediante fotocopia compulsada, estar en posesión do diploma superior de español como lingua estranxeira, establecido polo Real decreto 826/1988, do 20 de xullo, modificado e completado polo Real decreto 1/1992, do 10 de xaneiro, ou do certificado de aptitude en español para estranxeiros expedido polas escola oficiais de idiomas. De non presentar esta documentación non poderán ser declarados exentos e deberán, en consecuencia, realiza-la proba descrita no parágrafo anterior.

9. Lista de aprobados.

9.1. O tribunal fará pública a valoración dos méritos da fase de concurso unha vez realizado o último exercicio da fase de oposición.

9.2. Concluído cada un dos exercicios da fase de oposición, o tribunal cualificador fará pública no Rectorado da Coruña, no Vicerrectorado do Campus de Ferrol, e no lugar ou lugares de realización do exercicio, así como naqueloutros que considere oportuno, a puntuación obtida polos aspirantes nel, así como, de se-lo caso, a de cada unha das probas que o compoñan.

Posteriormente, o tribunal fará pública, neses mesmos lugares, a relación definitiva de aprobados, que en ningún caso poderá conter un número de candidatos superior ó das prazas convocadas, na que constará o nome e a puntuación dos aspirantes que,

acadando a puntuación mínima esixida para supera-los exercicios da fase de oposición, obtivesen a maior puntuación final calculada de acordo co sistema previsto no anexo I. Os opositores que non estean incluídos nas respectivas relacións terán a consideración de non apto para tódolos efectos, único extremo acerca do que o tribunal poderá certificar.

9.3. O tribunal remitiralle ó rector a relación definitiva dos aspirantes aprobados pola orde desta puntuación final, con proposta de que se lle formalice o correspondente contrato de traballo.

10. Presentación de documentos e formalización dos contratos.

10.1. No prazo de 20 días naturais a partir do día seguinte a aquel no que se fixese pública a relación definitiva de aprobados nas probas selectivas, estes deberán presentar no Servicio de Persoal da Universidade da Coruña (rúa da Mestranza, s/n) os seguintes documentos:

a) Fotocopia compulsada do título esixido para acceder ás probas.

b) Declaración xurada ou promesa de non ter sido separado, mediante expediente disciplinario, do servicio de ningunha Administración pública nin estar inhabilitado para o exercicio de funcións públicas. Os aspirantes que non posúan a nacionalidade española deberán presentar declaración ou promesa de non estar sometidos a sanción disciplinaria ou condena penal que inhabilite no seu Estado o acceso á función pública.

c) Certificado médico oficial acreditativo de non padecer enfermidade nin defecto físico que imposibiliten para o servicio.

10.2. Cumpridos debidamente polo aspirante que superou as probas selectivas os trámites de presentación de documentos, será contratado como mariñeiro especialista da Universidade da Coruña.

10.3. O período de proba será de seis meses, durante o que o traballador terá os dereitos e obrigas correspondentes ó posto de traballo que desempeñe, excepto os derivados da resolución da relación laboral, que se poderá producir por instancia de calquera das partes durante o seu transcurso. Este período de proba non será aplicable ós aspirantes que con anterioridade teñan desempeñadas funcións de mariñeiro especialista na Universidade da Coruña.

Segundo.-Estas probas selectivas axustaranse ó disposto no Decreto 95/1991, do 20 de marzo, polo que se aproba o Regulamento de persoal de Administración da Comunidade Autónoma de Galicia, á Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro (BOE do 14 de xaneiro) e ós estatutos desta universidade, aprobados por Decreto da Xunta de Galicia 253/1992, do 10 de setembro (DOG do 17 de setembro) e modificados por Decreto da Xunta de Galicia 245/1998, do 30 de xullo (DOG

do 28 de agosto), a Lei 17/1993, do 23 de decembro (BOE do 24 de decembro), sobre acceso a determinados sectores da función pública dos nacionais dos demais estados membros da Unión Europea, e ás bases desta convocatoria.

Terceiro.-Esta convocatoria, as súas bases, e cantos actos administrativos se deriven delas poderán ser impugnados ante a xurisdicción do contencioso-administrativo nos casos e na forma establecidos na Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro) e modificada pola Lei 4/1999, do 13 de xaneiro (BOE do 14 de xaneiro).

Así mesmo, os interesados poderán interpor recurso de alzada contra os actos do tribunal cualificador das probas ante o rector da Universidade da Coruña, nos termos previstos no artigo 114 e concordantes da mencionada lei.

A Coruña, 10 de decembro de 2002.

José Luis Meilán Gil

Rector da Universidade da Coruña

ANEXO I

Mariñeiro especialista

Procedemento de selección

Fase de oposición.

A fase de oposición consistirá na realización de tres exercicios, todos eles obrigatorios.

Primeiro exercicio: consistirá en contestar un cuestionario de, alomenos, 60 preguntas con respostas múltiples, entre as que só unha será correcta, baseado no contido que para este exercicio se fixa nos módulos I e II do programa.

Os aspirantes terán un prazo de alomenos setenta e cinco minutos para a realización do exercicio, e a súa valoración será de 0 a 10 puntos, sendo necesario obter 5 puntos para ter acceso ó exercicio seguinte.

Segundo exercicio: consistirá en contestar por escrito un cuestionario de 50 preguntas tipo test, con 4 respostas alternativas, das que só unha será correcta, sobre un ou varios supostos teórico-prácticos, que versarán sobre a parte específica do programa que figura como anexo II.

A cualificación do exercicio será de 0 a 10 puntos, sendo necesario obter 5 puntos para ter acceso ó seguinte exercicio.

Terceiro exercicio: consistirá na traducción, sen diccionario, de dous textos propostos polo tribunal, un do galego para o español e outro do español para o galego. A súa valoración será de 0 a 10 puntos. Este exercicio non terá carácter eliminatorio.

Valoración da fase de oposición.

A cualificación final da fase de oposición obterase da seguinte forma:

(0,4xnota 1º exercicio+0,55xnota 2º exercicio+0,05xnota 3º exercicio)x7, polo que terá un valor máximo de 70 puntos.

Fase de concurso.

Nesta fase valoraranse:

a) Os servicios prestados na Universidade da Coruña no Club Universitario, en réxime de contrato temporal, a razón de 0,40 puntos por cada mes completo ou fracción, ata un máximo de 20 puntos.

b) Cursos impartidos por organismos públicos ou empresas de prestixio recoñecido, relacionados con temas do programa específico e as funcións que hai que desenvolver, ata un máximo de 10 puntos.

* Cursos de máis de vinte horas: 2 puntos.

* Cursos entre dez e vinte horas: 1 punto.

Sistema de puntuación.

A cualificación final das probas, que como máximo será de 100 puntos, virá determinada pola suma das puntuacións obtidas nas fases de oposición e concurso. En caso de empate dentro de cada epígrafe, a orde establecerase atendendo á maior puntuación obtida na fase de concurso; se isto non fose suficiente, á maior puntuación obtida no segundo exercicio; se isto non fose suficiente, no primeiro exercicio. Se persistise o empate, este dirimiríase pola orde alfabética do primeiro apelido dos aspirantes empatados, iniciándose a antedita orde pola letra á que se refire a base 7.3 desta convocatoria.

ANEXO II

Programa das probas

Módulo I. Parte xeral.

1. A Constitución española de 1978. Estructura e contido.

2. O Estatuto de autonomía de Galicia. Contido.

3. A Lei orgánica de universidades. Autonomía das universidades, réxime xurídico e estructura.

4. Estructura e organización da Universidade da Coruña: departamentos, escolas, centros, institutos universitarios e centros adscritos.

5. O Goberno da Universidade da Coruña: órganos colexiados e órganos unipersoais.

6. O persoal da universidade. O persoal docente e o persoal de administración e servicios.

7. O persoal laboral. Réxime xurídico. O I convenio colectivo da Universidade da Coruña.

Módulo II. Parte específica.

1. Tecnoloxía naval: o buque. Casco: partes do casco. Sistema de propulsión. Sistema de goberno. Armamento. Elementos estructurais do casco. Nomenclatura do bote. Desprazamento. Clases de desprazamento. Centro de gravidade. Arqueo. Clases

de arqueo. Estabilidade. Temóns: descrición e partes. Áncora. Tipos de áncoras máis usuais. Equipo de fondeo. Molinete e máquina de levar. Hélice. Construcción e mantemento. A construcción en fibra de vidro. Resinas. Construcción en madeira. Construcción metálica. Embarcacións pneumáticas. Mantemento: cascos de madeira. Cascos metálicos. A osmose nos cascos de poliéster e o seu tratamento. Pinturas mariñas.

2. Cordame: cordame e elementos auxiliares. Cabos. Chicote. Seo. Firme. Volta. Tipos de cabos. Cabos preestirados. Cabos de Kevlar. Cabos de polipropileno. Cabos de nailon. Ballestrinque. Cote ou malla. Nó plano ou de envergue. Volta de escota. As de guía. Margarida. Cables: tipos máis usuais. Noray. Morrón. Bita. Argola. Mortos. Bicheiro. Defensa.

3. Propulsión e goberno: efectos evolutivos. Acción de hélice avante e atrás. Forzas xeradas pola hélice en marcha avante. Presión lateral das pas. Corrente de expulsión. Forzas xeradas pola hélice na marcha atrás. Presión lateral das pas. Corrente de expulsión. Acción do temón: evolución e goberno. Acción do temón na marcha avante. Acción do temón na marcha atrás. Curva de evolución: as súas diferentes fases. Evolución e goberno en embarcacións de dúas hélices. Efectos evolutivos combinados da hélice e o temón.

4. Amarre e fondeo: amarras. Boza. Codeira. Faenas con cabos e cables. Amarre. Regras xerais de manobra: velocidade de goberno. Arrincada. Influencia na manobra e na navegación dos axentes externos. Efecto do vento, mar e corrente. Deriva e abatemento. Vento real e aparente. Barlovento e sotavento. Fondeo: elección de fondeadoiro. Lonxitude do fondeo. Manobra de fondeo: preocupacións xerais estando fondeados. Garrar. Bornear.

5. Manobras de atracada: atracar por babor en calma e con vento. Atracar por estribor en calma e con vento. Atracar de punta con áncora. Atracar de punta con morto. Atracar fondeando unha áncora. Desatracar con e sen áncora. Atracadas e desatracadas dando una codeira a un morto. Manobra para abarloarse a outra embarcación. Abarloarse a un barco fondeado. Abarloarse a un barco á deriva. Desatrancamento de entre barcos abarloados. Ceavoga.

6. Tecnoloxía vélica: tecnoloxía vélica. Enxarcia firme e de labor. Diversos tipos de enxarcia firme ou morta. Ventos. Drizas. Amantillos. Aparello. Forzas que actúan sobre o pao. Velas. Materiais máis usuais. Tipos de velas. Partes da vela. Pañol de velas. Velas especiais. Tipoloxía das embarcacións de vela.

7. Vela lixeira: vela lixeira. Optimist. Cadete. Moth Europa. Finn. Stel. 420. Vaurien. Snipe. Patin. Láser. Catamarán. Flaying dutchman. Soling cuter. Sloop. Queche. Yol. Goleta. Táboa deslizadora a vela. Tipos de velas de TDV (Windsurf).

8. Propulsión a vela: técnica e propulsión a vela. Acción do vento sobre as velas. Presión do vento

sobre a vela. Distribución da presión do vento sobre a vela. Centro vélico. Vento real e aparente. Descomposición de forzas. Plano de deriva e centro de resistencia lateral. Efecto da quilla na navegación a vela. Diversos tipos de quilla. Par de evolución. Interacción entre a forza aerodinámica e a forza hidrodinámica. Par de escora. Influencia na estabilidade que exerce a marcha a vela. Curva polar da vela. Relación de aspecto ou de forma. Curva polar da vela. Relación de aspecto ou de forma. Curva polar da velocidade. Interacción das velas. Efecto da colocación da tripulación a bordo nunha embarcación de vela lixeira. Efecto da orza no equilibrio do barco.

9. Navegación a vela: orientación das velas. Portar e flamear. Relación do barco co vento. Amurarse. Orzar. Parti-lo puño. Arribar. Partir de arribada. Navegar a cinguir. Navegar de través. Planeo. Navegar a un largo. Navegar pola aleta. Navegar en popa cerrada. Bordada. Escasear. Alargar. Manobra a vela. Dar e carga-lo aparello. Cambios de velas e reducción do aparello. Tomar rizos. Sistemas mecánicos para tomar rizos. Enroladores. Virada por avante. Virada por redondo. Atracar a vela. Desatracar a vela. Fondear a vela. Saír a vela estando fondeados. Outras manobras a vela. Fachear. Pairar. Acuartelar. Manobra do spinnaker. Cabos de labor do SPI. Cabos de labor do tangón. Prepara-la manobra para iza-lo SPI. Iza-lo SPI. Trasluchar navegando con SPI. Arriar o SPI. Manobra de home á auga navegando a vela. Seguridade a vela. Navegación a vela con mal tempo. Correr un temporal. Capear. Emprego do aceite para calma-las rompentes. Áncora flotante, construcción e uso.

10. Seguridades no mar: aspectos xerais da seguridade. Circunstancias exteriores. Mal tempo. Navegación con néboa. Tormentas eléctricas. Tráfico marítimo. Inundación. Abordaxe: medidas que hai que tomar despois dunnha abordaxe. Vía de auga. Pallete de colisión. Turafalla. Servicio de achique. Taponamento de vías de auga desde interior. Encaixonadas. Naufraxio e abandono do buque. Prevención de accidentes: idea sobre a regulamentación de seguridade.

11. Supervivencia: chaleco salvavidas. Guíndolas ou aros salvavidas. Bengalas. Sinal noite e día. Embarcacións de recreo. Arnés de seguridade. Reflector radar. Material reflectante para os elementos do salvamento. Traxe de inmersión. Axudas térmicas. Balsas salvavidas. Radiobalizas de localización de sinistros. Características xerais. Vestiario no mar. Home á auga. Prevención da caída. Manobra de recollida segundo se vexa ou non o náufrago. Servicio de busca e salvamento de aeronaves. Tempo que pode sobrevivir un náufrago na auga. Precaucións ó recolle-lo náufrago con mar grosa. Salvamento da dotación dun buque sinistrado en alta mar.

12. Contraincendios: incendio e explosión. Explosión a bordo. Clases de incendios. Triángulo e tetraedro do fogo. Extintores de incendios, portátiles e non portátiles. Causas máis frecuentes que producen

os incendios. Manexo dos extintores. Medidas para previ-los incendios. Extinción de incendios.

13. Navegación: idea sobre a interpretación dunha carta náutica. Milla, nó. Concepto de rumbo e as súas clases. Concepto de marcación e demora. Enfilacións. Situación. Situación por dúas demoras simultáneas

14. Meteoroloxía: presión atmosférica. Presión media ó nivel do mar e escalas barométricas. Barómetros. Temperatura. Termómetro. Termómetro de máxima e mínima. Vento. Dirección do vento. Rolar. Rachear. Contraste. Refrescar. Amainar. Caer. Calmar. Circulación ciclónica e anticiclónica. Escala de beaufort. Ventos costeiros. Terral e virazón. Instrumentos de medición do vento. Anemómetro. Cataventos. Veleta. Idea sobre a previsión do tempo co barómetro e o termómetro. Idea de interpretación dunha carta do tempo. Informacións meteorolóxicas locais, o seu interese para a navegación. Avisos ós navegantes.

15. Comunicacións: nocións xerais do sistema de radiocomunicacións marítimas. Utilización dos equipos de radio VHF. Procedemento e disciplina radiotelefónicos. Operacións preliminares. Interferencias. Listaxes de chamada. Boletíns meteorolóxicos. Radioavisos náuticos. Chamadas de socorro, urxencia e seguridade. Sinal de socorro. Sinal de urxencia. Sinais de seguridade. Secreto das comunicacións. Número máximo de chamadas e precaucións que hai que tomar ou facelas.

16. Primeiros auxilios: asfixia. Reanimación. Masaxe cardíaca. Instruccións para acudir nadando en auxilio do náufrago. Os métodos de respiración artificial. Estudio crítico destes desde o punto de vista da súa eficacia. Respiración boca a boca. Insolación. Hipotermia. Fracturas. Síntomas das fracturas. Hemorraxias arterial e venosa. Tratamento de urxencia. Coidados cun accidentado. Traslado de accidentados no barco. Primeiros auxilios ós fracturados.

17. Propulsión mecánica. Motores diesel: clases de motores mariños para embarcacións de recreo. Motores de combustión interna. Nomenclatura das partes principais dos motores. Clasificación dos motores de combustión interna. Motor diesel. Ciclos de traballo dun motor diesel de catro tempos. Proceso de funcionamento. Refrixeración dos motores diesel. Inercambiadores de calor para aceite e auga.

18. Motores de explosión: motor de explosión. Ciclos de traballo dun motor de explosión de catro tempos. Motor de explosión de dous tempos. Instalación do motor foraborda. Instalación do motor tipo Z drive (cola en Z dentro-foraborda). Motor foraborda. Motor intraborda. Motor intra-foraborda.

Manexo e precaucións. Coidados básicos. Posta en marcha. Coidados durante a marcha. Aceites de lubricación. Sistemas de engraxamento. Combustión. Refrixeración do motor foraborda. Paro e inversión de marcha. Avarías máis frecuentes. Descebado do circuíto de combustible. Contaminación do aceite de lubricación. Fallos no encendido. Cambio de buxías. Batería e sistema eléctrico. Prato magnético. Delco. Motor de arrinque tipo Bendix. Disxuntor. Precaucións no enchido de combustible. Prevención de incendios no motor.

19. Regulamentos, sinais: Regulamento internacional para a prevención de abordaxes no mar. Faros e boias. Aparencia das luces. Período. Fases. Sectores. Alcances luminosos. Identificación de faros: normas prácticas. Balizas.

20. Prevención da contaminación e lexislación: Regulamento de policía de portos. Prevención da contaminación. Tratamento de residuos. Augas residuais, deperdicios, cinzas e outro tipo de lixo. Matrícula e despacho das embarcacións.

ANEXO III

Tribunal cualificador

Titulares:

Presidente: José Luis Meilán Gil, rector da Universidade da Coruña.

Vocais:

Senén Fernández Hermida, coordinador de prácticas e do pañol do Club Universitario.

Jesús Fernández Jiménez, vicexerente de Control Interno.

Manuel Romero Beade, representante dos traballadores.

Mª Josefa Padín García, representante dos traballadores.

Secretario: Roberto Taibo Lago, xefe da Sección de Extensión Universitaria, que actúa con voz e sen voto.

Suplentes:

Presidente: Francisco Blanco Filgueira, director da Escola Superior da Mariña Civil.

Vocais:

José Vicente Echevarría González, vicexerente de Recursos Humanos.

Juan Ramón Rego Álvarez de Mon, vicexerente de Asuntos Económicos.

Salvador Joaquín Peña Díaz, representante dos traballadores.

Rogelio Lage Vázquez, representante dos traballadores.

Secretaria: Mª Carmen Vidal Meijide, xefa de Negociado do Servicio de Extensión Universitaria, que actúa con voz e sen voto.