O Consello da Xerencia Municipal de Urbanismo, en sesión do 9 de xaneiro de 2003, adoptou, entre outros, o seguinte acordo:

Primeiro.-Aprobar inicialmente o estudio de detalle para a ordenación de volumes, reaxuste de aliñacións interiores e fixación de rasantes de patio de cuarteirón, no cuarteirón nº 91 do PEEC presentado polo mercantil Apartamentos Paseo Marítimo, S.L. e redactado polos arquitectos Alberto de Cominges Molíns e Pedro de la Puente Crespo, con data do visado do Colexio Oficial de Arquitectos de Galicia do 7 de maio e 3 de novembro de 2002.

Segundo.-Sométase o expediente ó trámite de información pública polo prazo dun mes, mediante publicación de anuncio no Diario Oficial de Galicia e nun dos xornais de maior circulación da provincia e notificación individual a tódolos propietarios do ámbito.

O prazo de exposición ó público entenderase aberto desde a primeira publicación ata o remate do mes,

contados desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa do edificio da xerencia.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.

Vigo, 16 de xaneiro de 2003.

Lóis Pérez Castrillo

Alcalde-presidente da Xerencia

Municipal de Urbanismo

XESTIÓN URBANÍSTICA DA CORUÑA, S.A