O Pleno do Concello de Santiago de Compostela, na sesión do 31 de outubro de 2002, aprobou definitivamente o estudio de detalle do polígono 2 do solo urbanizable non programado número 28 (SUNP-28) da Barcia, promovido pola xunta de compensación.

De conformidade co disposto no artigo 48.2º da Lei do solo de Galicia publicouse no BOP número 295, do día 26 de decembro de 2002, o texto íntegro da normativa.

Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do concello no prazo dun mes, contado desde a mesma data.

De conformidade co previsto no artigo 107.3º da Lei 30/1992, do 26 de novembro, de réxime xurídico das administracións públicas e do procedemento administrativo común, a normativa urbanística ou

ordenanzas reguladoras só poderán impugnarse directamente perante o Tribunal Superior de Xustiza de Galicia, no prazo de dous meses, contados a partir do día seguinte ó da publicación deste anuncio.

Santiago de Compostela, 26 de decembro de 2002.

Xosé A. Sánchez Bugallo

Alcalde