A Comisión de Goberno en sesión celebrada o día 9 de decembro de 2002 aprobou o prego de cláusulas administrativas que rexerán o procedemento aberto polo trámite ordinario para a contratación por concurso da obra de rehabilitación de infravivenda, sita en Cornoces-Amoeiro, o que se expón ó público polo prazo de oito días, contados a partir do seguinte ó da última publicación deste anuncio no BOP de Ourense ou no DOG, para que se poidan presentar reclamacións.
Simultaneamente, anúnciase concurso público polo trámite ordinario, se ben a licitación se aprazará cando resulte necesario, no suposto de que se formulen reclamacións contra o citado prego.
1. Entidade adxudicadora.
a) Organismo: Comisión de Goberno do Concello de Amoeiro.
b) Dependencia que tramita o expediente: Secretaría.
2. Obxecto do contrato. Descrición.
A execución da obra de rehabilitación de infravivenda, sita en Cornoces-Amoeiro, consonte o proxecto técnico redactado polos arquitectos Aurelio Outeiriño Fernández e Alberto de Paula Prieto.
Prazo de execución: 8 meses.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Orzamento base de licitación.
O orzamento de execución por contrata e tipo de licitación ascende á cantidade de 37.764,69 euros, IVE incluído.
5. Garantías.
Provisional: non se esixe.
Definitiva: será do 4% do orzamento de adxudicación.
6. Obtención de documentación e información.
a) Entidade: Concello de Amoeiro.
b) Domicilio: estr. Tamallancos-Barbantes, p.k. 4.
c) Localidade: Amoeiro, CP 32170.
d) Teléfono: 988 28 10 00.
e) Fax: 988 27 99 88.
f) Data límite de obtención de documentos e información: ata o último día do prazo para a presentación de ofertas.
7. Requisitos específicos do contratista.
-Non se esixe clasificación.
-Solvencia económica e financeira e solvencia técnica e profesional: por algún dos medios previstos nos artigos 16 e 17 do Real decreto lexislativo 2/2000, do 16 de xuño.
8. Presentación de ofertas.
a) Data límite: para a presentación de ofertas para tomar parte da citada contratación, dentro dos 26 días naturais contados desde o seguinte ó da última publicación deste anuncio no BOP de Ourense ou no DOG. Se o último día fose inhábil ou sábado o prazo finalizará o primeiro hábil seguinte.
b) Documentación que hai que presentar: a que se indica no prego de cláusulas administrativas que rexe a citada contratación, conforme o modelo que dito prego establece e da forma que se indica na base 16 do prego.
c) Lugar de presentación: Concello de Amoeiro, estr. Tamallancos-Barbantes, p.k. 4, Amoeiro, CP 32170.
9. Apertura de ofertas.
a) Entidade: Concello de Amoeiro.
b) Domicilio: estr. Tamallancos-Barbantes, p.k. 4.
c) Localidade: Amoeiro.
d) Data: o terceiro día hábil posterior ó remate do prazo de presentación de proposicións (excepto sábados).
e) Hora: ás 13 horas.
10. Gastos dos anuncios.
Os gastos dos anuncios serán sempre por conta do adxudicatario.
Amoeiro, 20 de decembro de 2002.
Manuel Fernández Rincón
Alcalde