De conformidade co disposto no artigo 43 do Regulamento de montes, aprobado polo Decreto 485/1962, do 22 de febreiro, e á vista do disposto no artigo 13 da Lei 13/1989, do 10 de outubro, de montes veciñais en man común, e no Real decreto 1535/1984, do 20 de xuño, de transferencias á Comunidade Autónoma de Galicia das competencias en materia de conservación da natureza, esta consellería, por proposta da Dirección Xeral de Montes e Industrias Forestais,
DISPÓN:
Artigo único.-Dar de baixa do Catálogo de Montes de Utilidade Pública, por quedar firmes as resolucións do Xurado Provincial de Montes que os clasifica como veciñais en man común, os seguintes:
Número: 193 (monte Curota).
Concello: A Pobra do Caramiñal.
Nome: Barbanza de Lesón
Pertenza: parroquia de Sta. Cruz de Lesón.
Límites:
Norte: concello de Porto do Son e monte Barbanza de Postmarcos.
Leste: monte Barbanza de Postmarcos e propiedades de particulares.
Sur: propiedades particulares.
Oeste: monte Folgoso e Río Portas e concellos de Ribeira e Porto do Son.
Especie: Pinus pinaster e matogueira de toxo e queiroga.
Cabida total: 325,65 hectáreas.
Cabida forestal: 325,65 hectáreas.
Número: 103-I (Monte Pedroso, Val, Sixto e outros.)
Concello: Mazaricos.
Nome: de Lamasapín
Pertenza: lugar de Lamasapín.
Límites:
Norte: propiedades particulares desde o piquete nº 1 ata o 11 do deslindamento, seguindo a orde normal dos piquetes.
Leste: valado de terra que separa de propiedades particulares, desde o piquete nº 11 ata o 25 seguindo a orde normal dos piquetes.
Sur: monte dos veciños de Val, desde o piquete nº 25 ata o 66 seguindo unha liña recta.
Oeste: monte Aro, desde o piquete nº 66 ata o 71 seguindo a orde normal dos piquetes e desde o piquete 71 ata o 1.
Especie: matogueira de toxo.
Cabida total: 36,40 hectáreas.
Cabida forestal: 34,70 hectáreas.
Número: 103-D (monte Cadaval, Ruña e outros)
Concello: Mazaricos.
Pertenza: lugar de Corrubedo.
Límites:
Norte: monte veciñal de Suevos e propiedades particulares. Desde o piquete nº 250 segue devasa ata o 185 e desde este seguindo a numeración normal ata o 193.
Leste: propiedades particulares desde o piquete nº 193 seguindo a orde dos piquetes ata un punto entre os piquetes 197 e 198.
Sur: propiedades particulares desde o punto anterior situado entre os piquetes 197 e 198 ata un punto situado entre os piquetes 243 e 244 limitando tamén co monte de Vilar de Costa.
Oeste: concello de Muros desde o punto anterior situado entre os piquetes 243 e 244 ata o piquete 250.
Especie: Pinus pinaster e matogueira de toxo.
Cabida total: 124 hectáreas.
Cabida forestal: 96 hectáreas.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia e en contra dela poderase interpoñer recurso de reposición con carácter potestativo perante o conselleiro de Medio Ambiente no prazo dun mes, ou ben interpoñer directamente o recurso contencioso-administrativo perante o Tribunal Superior de Xustiza de Galicia no prazo de dous meses, de acordo co dis
posto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común reformada pola Lei 4/1999 e nos artigos 10 e 46 da Lei 29/1998, do 13 de xullo, da xurisdicción contencioso-administrativa, ou exercer calquera outro que se estime pertinente.
Santiago de Compostela, 12 de decembro de 2002.
Carlos del Álamo Jiménez
Conselleiro de Medio Ambiente