As empresas Medtronic Ibérica, S.A., Astrazeneca e Carburos Mecánicos, S.A. ofrecen a doazón ó Servicio Galego de Saúde de diverso material con destino ó Complexo Hospitalario de Pontevedra.
Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.
En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e presidente do Servicio Galego de Saúde e logo de deliberación do Consello da Xunta de Galicia na súa reunión do día dezaseis de xaneiro de dous mil tres,
DISPOÑO:
Artigo 1º
Acepta-la doazón do seguinte material:
-1 scanner, marca H.P., modelo 7400 C, cun valor de 518,64 A a favor do Servicio de Cardioloxía, doado pola empresa Medtronic Ibérica, S.A.
-1 impresora, marca Canon, modelo S-300, cun valor de 120,20 A a favor do Servicio de Pneumoloxía, doada por Astrazeneca.
-1 ordenador, marca Samsung, modelo BEEP-1022, cun valor de 991,67 A, a favor do Servicio de Pneumoloxía, doado por Astrazeneca.
-1 scanner, marca Canon, modelo Canoscan N670U, cun valor de 90,15 A, a favor do Servicio de Pneumoloxía, doado por Astrazeneca.
-1 equipo portátil de soldadura, marca Kempi, modelo Minarc-140, cun valor de 999,42 A, a favor do Servicio de Mantemento, doado pola empresa Carburos Mecánicos, S.A.
Artigo 2º
Os activos acéptanse segundo o establecido na normativa en materia patrimonial da Comunidade Autónoma e destinaranse ó Complexo Hospitalario de Pontevedra, de acordo coa vontade dos doadores.
Disposición derradeira
O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.
Santiago de Compostela, dezaseis de xaneiro de dous mil tres.
Manuel Fraga Iribarne
Presidente
José María Hernández Cochón
Conselleiro de Sanidade