Obxecto do contrato: é a execución das obras de acondicionamento de local de planta baixa na rúa Bernardo Barreiro do barrio de Sar, para destinalo a Casa da Mocidade, de acordo co proxecto redactado polo arquitecto Javier García Castelo.
Tipo de licitación: 91.849,05 euros, IVE incluído.
Prazo de execución: o prazo de execución do contrato será de 3 meses contados a partir da data da acta de comprobación do replanteo.
Forma de adxudicación: concurso por procedemento aberto.
Proposicións: os licitadores poderán presentar proposicións no rexistro xeral do Concello de Santiago de Compostela en horas de 9 a 14, dentro do prazo de trece días naturais, contado a partir do día seguinte á data da derradeira das publicacións que corresponden facer no Diario Oficial de Galicia e no BOP da Coruña.
Información: Concello de Santiago de Compostela (Sección de Contratación). Teléfono: 981 54 30 33. Fax: 981 57 76 27.
Documentación: Copy Estudio. R/ Nova de Abaixo, nº 19-21, local 2. Teléfono: 981 59 33 85.
Clasificación: non se esixe.
Criterios de adxudicación: son os sinalados no punto 15.3.3. do prego de cláusulas administrativas.
Garantías:
Provisional: 1.836,98 euros.
Definitiva: 4% do prezo de adxudicación.
Apertura de plicas: terá lugar en acto público na casa do concello (secretaría) ás 12 h, o segundo día hábil seguinte, non sábado, ó remate do prazo de presentación de proposicións.
Santiago de Compostela, 23 de decembro de 2002.
José A. Sánchez Bugallo
Alcalde