Establecida a estructura orgánica da Xunta de Galicia polo Decreto 306/2001, do 15 de decembro, faise preciso adaptala ás necesidades que o momento actual aconsella acometer, tendo en conta os criterios de eficacia e economía que deben inspira-la actuación e organización administrativa.
Por todo iso, en virtude das atribucións que me confire o artigo 26, número 1, da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro,
DISPOÑO:
Artigo 1º
A Xunta de Galicia estará integrada polos departamentos que de seguido se relacionan:
-Consellería da Presidencia, Relacións Institucionais e Administración Pública.
-Consellería de Economía e Facenda.
-Consellería de Política Territorial, Obras Públicas e Vivenda.
-Consellería de Educación e Ordenación Universitaria.
-Consellería de Innovación, de Industria e Comercio.
-Consellería de Política Agroalimentaria e Desenvolvemento Rural.
-Consellería de Cultura, Comunicación Social e Turismo.
-Consellería de Sanidade.
-Consellería de Pesca e Asuntos Marítimos.
-Consellería de Xustiza, Interior e Administración Local.
-Consellería de Familia, Xuventude e Voluntariado.
-Consellería de Medio Ambiente.
-Consellería de Asuntos Sociais, Emprego e Relacións Laborais.
-Consellería de Emigración.
Artigo 2º
A orde de prelación das consellerías manterase segundo o establecido no artigo anterior.
Disposición derrogatoria
Quedan derrogadas cantas disposicións de igual ou inferior rango se opoñan ó disposto neste decreto.
Disposicións derradeiras
Primeira.-O Consello da Xunta de Galicia adoptará as medidas necesarias para adecua-la estructura dos distintos organismos obxecto de regulación deste decreto, dentro da política de racionalización e reducción do gasto público.
Segunda.-A Consellería de Economía e Facenda realizará as modificacións e habilitacións orzamentarias precisas para o cumprimento do previsto neste decreto, sen que en ningún caso poidan orixinar incremento de gasto.
Terceira.-Este decreto entrará en vigor o mesmo día da súa publicación no Diario Oficial de Galicia.
Santiago de Compostela, dezaoito de xaneiro de dous mil tres.
Manuel Fraga Iribarne
Presidente
