Por acordo do Pleno desta corporación, adoptado en sesión extraordinaria celebrada o día 22 de novembro de 2002, aprobouse con carácter inicial a modificación puntual das normas subsidiarias do planeamento municipal de Noia, que ten por finalidade a reordenación urbanística no ámbito da UA-3 de San Lázaro.

O que se fai público para xeral coñecemento, significando que o expediente a que se refire o mencionado acordo, a teor do preceptuado no artigo 42.2º da Lei 1/1997, do solo de Galicia, do 24 de marzo, queda sometido a información pública, polo prazo dun mes, contado a partir do día seguinte ó da publicación do presente edicto no Diario Oficial de Galicia, co obxecto de que durante o expresado período de tempo cantas persoas se consideren interesadas poidan examina-lo expediente na secretaría xeral do concello, así como formular por escrito, que presentarán no rexistro xeral deste concello, cantas alegacións consideren pertinentes ó seu dereito.

Noia, 27 de novembro de 2002.

Rafael García Guerrero

Alcalde