Examinado o expediente instruído por pedimento de Unión Fenosa Distribución, S.A., con domicilio

para efectos de notificacións na r/ A Batundeira nº 2 Velle, 32960 Ourense, sobre autorización, aprobación do proxecto e declaración, en concreto, de utilidade pública da instalación eléctrica de referencia; resultan os seguintes:

Antecedentes de feito.

Primeiro.-A petición someteuse a información pública por acordo do 14 de agosto de 2001 desta delegación provincial, publicada no DOG do 24 de setembro, no BOP de Ourense do 7 de setembro e no xornal La Región do 3 de setembro, en aplicación dos artigos 125 e 144 do Real decreto 1955/2000, do 1 de decembro, polo que se aproba o regulamento de aplicación da Lei 54/1997, do 27 de novembro, do sector eléctrico.

Segundo.-Durante o período de información pública presentáronse as seguintes alegacións:

María Lidia Vázquez Rodríguez, como titular do predio nº 1 da relación de afectados, non está de acordo co trazado da instalación xa que lle incrementa as afeccións que xa ten coa liña eléctrica existente e solicita o seu cambio, fundamentalmente do punto de entroque.

Luis Pereira Cao, titular do predio nº 2, alega discrepancia en canto ó prezo fixado pola servidume de paso.

Terceiro.-Na tramitación do expediente cumpriuse co trámite de información a outras administracións públicas, previsto no artigo 127 do citado real decreto, e o proxecto, coas modificacións introducidas polos modificados presentados pola empresa o 19-2-2002 e 17-9-2002, ten as características técnicas básicas seguintes:

Liña aérea, a 20 kV, de 901 m en conductor LA 56 e apoios de formigón, con orixe en apoio proxectado da L.M.T. ó C.T. de Fontefiz e final no C.T. aéreo proxectado en Vilar, de 100 kVA e r/t 20.000/380-220 V.

Liña de baixa tensión, de 2.335 m, en conductor tipo R.Z. e apoios de formigón.

Orzamento: 74.070,86 euros.

Fundamentos de dereito.

Primeiro.-A Delegación Provincial de Industria e Comercio de Ourense é competente para resolver este expediente con fundamento no Estatuto de autonomía de Galicia, no Real decreto 2563/1982, do 24 de xullo, sobre traspaso de funcións e servicios da Administración do Estado á Comunidade Autónoma galega en materia de industria, enerxía e minas, e no exercicio das competencias atribuídas polo Real decreto 1955/2000 e polo Decreto 36/2001, do 25 de xaneiro (DOG do 16 de febreiro).

Segundo.-Á vista das alegacións presentadas, da contestación dada pola empresa promotora e do resto da documentación que obra no expediente, queda de manifesto que:

1º Non se teñen en consideración as alegacións presentadas por Luis Pereira Cao, por desaparición

sobrevida do seu obxecto, toda vez que se acadou o acordo mutuo entre as partes, segundo consta na comunicación do 23-11-2001.

2º As alegacións presentadas pola titular do predio nº 1 foron atendidas, coa variación proposta para o punto de entroque coa L.M.T. existente (modificado presentado o 17-9-2002), pasando aquel a estar desafectado.

Terceiro.-O proxecto, coas modificacións introducidas para atende-los condicionados impostos polos organismos afectados e para cumprir co artigo 161 do Real decreto 1955/2000, no que se refire a limitacións á constitución de servidume de paso, recibiu o informe favorable polos servicios técnicos desta delegación provincial e foi comprobada sobre o terreo a traza da liña eléctrica proxectada.

Cuarto.-No expediente cumpríronse os trámites sinalados no artigo 53 da sinalada Lei 54/1997, e os regulamentarios ordenados nos capítulos II e V do título VII do Real decreto 1955/2000, do 1 de decembro, que regula o procedemento de autorización de instalacións de enerxía eléctrica. Así mesmo, as instalacións e o seu proxecto de execución reúnen tódolos requisitos técnicos necesarios.

Esta delegación provincial, de acordo co que antecede e no exercicio das competencias que ten atribuídas,

RESOLVE:

1º Autorizar a Unión Fenosa Distribución, S.A. a execución das instalacións eléctricas previstas no proxecto L.M.T., C.T. e R.B.T. Vilar da Barra-Cales, situadas no concello de Coles, coas modificacións sinaladas nos proxectos presentados o 19-2-2002 e 17-9-2002 antes mencionadas.

2º Declara-la utilidade pública, en concreto, das instalacións eléctricas autorizadas, coas consecuencias establecidas no artigo 54 da Lei 54/1997, do sector eléctrico, de necesidade de ocupación dos bens ou de adquisición dos dereitos afectados e a urxente ocupación para os efectos do artigo 52 da Lei de expropiación forzosa. Igualmente levará implícita a autorización para o establecemento ou paso da instalación eléctrica sobre terreos de dominio, uso ou servicio público, ou patrimoniais do Estado, ou das comunidades autónomas, ou de uso público, propios ou comunais da provincia ou municipio, obras e servicios destes e zonas de servidume pública.

3º Que o representante da Administración, en cumprimento do disposto nos artigos 52 da Lei de expropiación forzosa, do 16 de decembro de 1954, e 149 do Real decreto 1955/2000, dea comezo ó levantamento das actas previas á ocupación, nos días e horas que a cada interesado se lle notifique individualmente, daqueles predios que figuran no anexo da resolución de información pública do proxecto.

Contra a presente resolución, que non é definitiva en vía administrativa, cabe interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da súa publicación, conforme o establecido no artigo 114 da Lei 30/1992, do 26 de decembro, de réxime xurídico das administracións públicas e do procedemento administrativo común, ou calquera outro recurso que se considere pertinente.

Ourense, 22 de novembro de 2002.

Ramón Fernández-Linares Bouza

Delegado provincial de Ourense