Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo 171, 15007 A Coruña.

Denominación: L.M.T., C.T. bombeo de augas polígono de Teixeiro.

Situación: Curtis.

Características técnicas: liña eléctrica aérea núa de media tensión a 15/20 kV, sobre apoios de formigón e con conductor LA-56, de 691 m de lonxitude, coa orixe na liña que alimenta o C.T. Morangueiros e final no C.T. bombeo de augas, que se vai instalar.

Centro de transformación, tipo intemperie, de 160 kVA e tensións de 15/0,380-0,220 kV para bombeo de augas ó polígono de Teixeiro. Concello de Curtis.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 3 de decembro de 2002.

Jesús Espada Martínez

Delegado provincial da Coruña