A Orde do 24 de novembro de 1999 (DOG nº 231, do 30 de novembro), a Orde do 17 de febreiro de 2000 (DOG nº 41, do 29 de febreiro), a Orde do 27 de outubro de 2000 (DOG nº 217, do 9 de novembro), a Orde do 14 de marzo de 2001 (DOG nº 62, do 28 de marzo), a Orde do 8 de outubro de 2001 (DOG nº 203, do 19 de outubro) e a Orde do 5 de marzo de 2002 (DOG nº 65, do 4 de abril), polas que se convocan bolsas de colaboración en proxectos de investigación que se desenvolven no Centro Ramón Piñeiro para a Investigación en Humanidades, prevén, na súa base terceira nas tres primeiras ordes e na cuarta para as restantes, a concesión de prórrogas ós bolseiros e bolseiras que presten a súa colaboración nalgún dos proxectos de investigación que se están realizando no centro.

A teor do sinalado na Orde do 11 de febreiro de 1998, sobre tramitación anticipada de expediente do gasto, o gasto que se proxecta está condicionado á existencia do crédito adecuado e suficiente no proxecto de orzamentos do exercicio do ano 2003.

Na súa virtude e de acordo co establecido na base terceira ou na cuarta das citadas ordes, esta consellería

RESOLVE:

Primeiro.-Concédeselles prórroga para desfrutar da bolsa para a colaboración en proxectos de investigación que se van desenvolver no Centro Ramón Piñeiro ata o 31 de xaneiro do 2003 ás persoas que se relacionan no anexo I á presente orde; concédeselles prórroga da bolsa ata o 30 de abril de 2003 ás persoas que se relacionan no anexo II á presente orde; concédeselles prórroga da bolsa ata o 11 de decembro de 2003 ás persoas que se relacionan no anexo III á presente orde e cóncedeselles prórroga da bolsa ata o 31 de decembro de 2003 ás persoas que se relacionan no anexo IV á presente orde. Para os efectos desta resolución quedan condicionados ata a aprobación do crédito que vaia ampara-lo gasto, de conformidade coa orde anteriormente citada, do 2 de febreiro de 1998.

Segundo.-A contía da bolsa durante o período de prórroga será de 758,89 euros mensuais, segundo o establecido na base segunda ou terceira das citadas ordes. A contía total das bolsas ascende a 307.593,88 euros (289.993,88 euros correspondentes ás mensualidades e 17.600 euros á asistencia sanitaria) da partida orzamentaria 07.06.353E.480.2 dos orzamentos xerais da Comunidade Autónoma de Galicia para o ano 2003.

Terceiro.-Contra esta disposición, que pon fin á vía administrativa, poderase interpoñer recurso potestativo de reposición ante o mesmo órgano que resolveu, no prazo dun mes contado a partir do día seguinte ó da notificación desta resolución, ou directamente o recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da notificación desta disposición. En todo caso, non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición.

Disposición derradeira

A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 2 de xaneiro de 2003.

Celso Currás Fernández

Conselleiro de Educación e Ordenación Universitaria

ANEXO I

ANEXO II

ANEXO III

ANEXO IV

CONSELLERÍA DE CULTURA, COMUNICACIÓN SOCIAL

E TURISMO