Rematado o prazo de reclamacións contra a lista provisional de aspirantes admitidos e excluídos ás probas selectivas para a provisión dunha praza de técnico en relacións laborais e asistencia social, convocadas por Resolución do 14 de novembro de 2001 (DOG do 14 de xaneiro de 2002), modificada por Resolución do 14 de xaneiro de 2002 (DOG do 5 de febreiro), pola que se corrixen erros, este rectorado, en cumprimento do previsto na base 4.1. da convocatoria, resolve aproba-la lista definitiva de aspirantes admitidos e excluídos que figura a continuación e que está exposta no taboleiro de anuncios do rectorado (rúa da Mestranza, s/n) e no vicerrectorado do Campus de Ferrol (Dr. Vázquez Cabrera, s/n).

De acordo co previsto na base 7.1. convócanse os aspirantes para a realización do primeiro exercicio da oposición que dará comezo ás 17 horas do día 23 de xaneiro de 2003 na facultade de informática da Universidade da Coruña (Campus de Elviña), aula 3.2. Os aspirantes deberán acudir provistos do documento nacional de identidade ou documento legal que acredite a súa identidade.

Contra esta resolución, que esgota a vía administrativa, os interesados poderán interpor recurso potestativo de reposición ante este rectorado, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou recurso contencioso-administrativo no prazo de dous meses, contados a partir da mesma

data, conforme ó disposto na Lei 29/1998, do 13 de xullo, reguladora da xurisdicción contencioso-administrativa.

A Coruña, 11 de decembro de 2002.

José Luis Meilán Gil

Rector da Universidade da Coruña

Relación de admitidos

Relación de excluídos