Na Orde do 29 de abril de 2002, pola que se convocan axudas de carácter socioeconómico para
o exercicio do ano 2002, consignouse un crédito orzamentario para atende-las axudas solicitadas ó abeiro da dita disposición de acordo coas previsións existentes.
Agora é posible incrementar substancialmente o dito crédito, para atende-las subvencións realmente solicitadas, ó existir remanentes de crédito incorporados á correspondente aplicación.
Para tal efecto, esta consellería
DISPÓN:
Artigo único.-Incremento de crédito.
Increméntase o crédito orzamentario previsto no artigo 2 da Orde do 29 de abril de 2002, pola que se convocan axudas de carácter socioeconómico para o exercicio do ano 2002 (Diario Oficial de Galicia do 30 de maio, na cantidade de 1.559.256,29 euros, que sumados ós 463.268 euros previstos inicialmente totalizan 2.022.524,29 euros, permanecendo invariables o resto de condicións previstas na dita orde e sen que se abra un novo prazo de presentación de solicitudes.
Santiago de Compostela, 20 de decembro de 2002.
Enrique César López Veiga
Conselleiro de Pesca e Asuntos Marítimos