Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: UDESA.
Domicilio social: rúa Madrid, 1 B (polígono das Fontiñas), Santiago de Compostela.
Denominación: L.M.T., C.T. de 250 kVA O Campo-Mesía.
Situación: Mesía.
Descricións técnicas: liña aerosubterránea a 15/20 kV de 446 e 20 m de lonxitude en conductor LA-30. R.H.V. de 95 mm Al, que parte da L.M.T. Visantoña-Xanceda e remata no C.T. prefabricado de 250 kVA no lugar do Campo. Concello de Mesía.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 20 de novembro de 2002.
Jesús Espada Martínez
Delegado provincial da Coruña