A entrada en vigor do Decreto 147/2002, do 11 de abril, polo que se establece a estructura orgánica da Consellería de Xustiza, Interior e Relacións Laborais e da Lei 5/2000, do 12 de xaneiro, reguladora de responsabilidade penal dos menores, unido á necesidade de racionaliza-la xestión do persoal da Administración de xustiza na unidade máis axeitada, fan necesario unha modificación da actual relación de postos de traballo da Consellería de Xustiza, Interior e Relacións Laborais.
En consecuencia, por proposta da devandita consellería, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día trece de decembro de dous mil dous, adoptou o seguinte
ACORDO:
Primeiro.-Modifica-la vixente relación de postos de traballo da Consellería de Xustiza, Interior e Rela
cións Laborais, nos termos que se sinalan no anexo a este acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Terceiro.-Clasificar como postos de libre designación, de acordo coa motivación que se especifica, os seguintes:
Código Denominación Motivación
XU.C06.00.002.15770.001 Subdirección Xeral Relacións coas Entidades Locais e Pacto Local Artigo 6 da orde da Consellería da Presidencia e Administración Pública do 21 de novembro de XU.C06.00.002.15770.005 Servicio Relacións coas Entidades Locais e Estud. Locais de Galicia 1989 (DOG nº 232, do 4 de decembro). Postos de confianza.
Visto o acordo adoptado polo Consello da Xunta de Galicia na súa reunión do día trece de decembro de dous mil dous, relativo á modificación da relación de postos de traballo da Consellería de Xustiza, Interior e Relacións Laborais, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 16 de decembro de 2002.
Jaime Pita Varela
Conselleiro da Presidencia, Relacións Institucionais e Administración Pública