O Consello da Xerencia Municipal de Urbanismo en sesión do 10 de outubro de 2002, adoptou, entre outros, o seguinte acordo:
Primeiro.-Aprobar inicialmente o proxecto de urbanización da rúa Manuel Álvarez (conexión estrada vella de Madrid-Ramón Nieto), redactado pola Oficina Municipal de Actuacións Viarias e asinado polo enxeñeiro Santiago López Fontán (exp. 4391/401).
Segundo.-Abrir un trámite de información pública polo prazo dun mes, mediante publicación de anuncios no DOG e nun xornal dos de maior circulación da provincia, así como mediante notificación individualizada do contido íntegro do acordo ós propietarios no ámbito do proxecto de urbanización.
Terceiro.-Notifíquese este acordo á Consellería de Política Territorial, Obras Públicas e Vivenda da Xunta de Galicia, xunto cunha copia do proxecto de urbanización. Notifíquese tamén ás entidades Augas de Galicia, Gas Galicia, Fenosa e Seragua.
Procédese ó trámite de información pública do expediente. O prazo entenderase aberto desde a primeira publicación, ata o do remate do mes, contado desde o día seguinte ó da última publicación. O expediente está á disposición do público no Departamento de Información Urbanística da Xerencia de Urbanismo (planta baixa do edificio da Xerencia).
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorado o seu enderezo non poidan ser notificados.
Vigo, 12 de novembro de 2002.
Lois Pérez Castrillo
Alcalde-presidente da Xerencia Municipal
de Urbanismo